धनुषाधाम प्रहरीद्धारा अबैध घरेलु मदिरा नष्ट

बिनय कुमार यादव |

जनकपुरधाम, ६ असार । ईलाका प्रहरी कार्यालय धनुषाधामले अबैध मदिरा नष्ट गरेको छ । जिल्लाको विभिन्न स्थानमा अवैध रुपमा उत्पादन गरिरहेको अवैध मदिराका भट्टीहरुबाट बरामद गरी ल्याइएको ३ सय लीटर कच्चा मदिरा नष्ट गरिएको हो ।

ईलाका प्रहरी कार्यालय धनुषाधामबाट जिल्लाका बिभिन्न स्थानमा खटेको प्रहरीको टोलीद्वारा बरामद गरिएको अबैध मदिरा हिजो (मंगलबार) नष्ट गरिएको ईप्रका धनुषाधामका प्रहरी निरीक्षक प्रकाश दहालले बताए ।

बरामद गरिएको अवैध कच्चा मदिरा धनुषाधाम नपा वडा ३ का वडाध्यक्ष राज किशोर साह‚ स्थानिय बासिन्दाहरु‚ बुद्धिजिवी‚ समाजसेवी तथा पत्रकार समेतको रोहबरमा नष्ट गरेको थियो ।