बाढीमा मृत्यू भएका बालकको परिवारलाई बलराका मेयरको आर्थिक सहयोग

न्यूज ब्यूुरो, सर्लाही । सर्लाहीको बलरा नगरपालिकामा बाढीमा परेर मृत फेला परेका बालकको परिवारलाई आर्थिक सहयोग गरिएको छ ।

हिजो सोमवार बिहान बलरा नगरपालिका वडा नम्बर ३ निवासी महाविर ठाकुर को १४ बर्षको छोरा अंकित कुमार ठाकुर सिमार्वती क्षेत्रमा मृत अवस्थामा फेला परेका थिए ।

मँगलबार बलरा नगरपालिकाका मेयर रामाशंकर कुशवाहा मृतक बालकको घरमै पुगि काजकिरिया गर्नका लागि आफन्तलाई २५ हजार नगद हस्तान्तरण गरेका हुन ।

मृतक बालकको परिवारसंग कुराकानी गर्दै मेयर कुशवाहाले दुखद घडीमा सबैलाई धैर्य धारण गर्न र काजकिरियामा सबैलाई आआफ्नो तर्फबाट सक्दो सहयोग गर्न अपिल गरे ।

अगामी दिनहरूमा पनि विभिन्न दातृ संघसंस्थाहरुसंग सहकार्य गरि सहयोग गरिने प्रतिबद्धता समेत व्यक्त गरे ।

आफन्त, सुरक्षाकर्मी तथा स्थानीयको ठुलो प्रयासको वावजुद पनि बालकलाई जिवितै उद्वार गर्न नसकेकोमा दुखेको पोखे ।

मृतकका बुबा महावीर ठाकुरका अनुसार छोरा गएको शनिबार अविरल बर्षाले आएको बाढी हेर्न नजिकै रहेको सिमावर्ती क्षेत्रमा गएका थिए । तर सांझसम्म घर नफर्किदा खोजी कार्य सुरु गरिएको बताए ।

केही स्थानीयले छोरालाई मृतक अवस्थामा देखेर चिनेपछि तपाईंकै छोरा जस्तो छ भन्ने खबर गरेपछि छोरा डुबेर मृत्युु भएको थाहा पाउने वित्तिकै परिवारमा बज्रपात खसेको मृतक बालकको बुबा महाविर ठाकुरले दुखेसो पोखे ।