उद्योग वाणिज्य सँघको चुनावको मात्र १ दिन बाँकी, व्यापारीमा छैनन उत्साह, भोँट खसाउने बाध्यता

न्यूज ब्यूरो, जनकपुरधाम । जनकपुरधाम उद्योग वाणिज्य सँघको चुनावको एक दिन मात्र बाँकी रहँदा पनि यहाँका व्यापारीहरुमा चुनावको कुनै उत्साह देखिएको छैनन् ।

विभिन्न राजनीतिक दल निकटका व्यक्तिहरुले अग्रपन्तिमा रही चुनावमा नेतृत्वको लागि उम्मेदवारी दिएपनि मतदाता व्यवसायी, व्यपारीहरुमा भने उत्साह देखिएका छैनन् ।

जनकपुरमा व्यवसाय, व्यापारको भरमा बसेका व्यपारीहरुको अवस्था झन खस्किदै जाँदा पनि वर्तमानमा उम्मेदवारी दिएका कुनै पनि उम्मेदवारले केही पहल नगरेको कारण पनि उनीहरुमा उत्साह नदेखिएको हो ।

राजनीतिक दल जस्तै चुनावको लागि लाखौँ रुपैयाँ खर्च गरेर व्यापारी रिझाउने कार्यमा देखिएका उम्मेदवारहरुलाई यहाँका व्यापारीहरुले पनि यकिन गरिसकेको अवस्था देखिएको छ । अवस्था र व्यवस्था सुधारको लागि उम्मेदवारहरुले कहिले केही नगरेको कारण पनि उनीहरुमा मतदानको लागि उत्साह नभएर बाध्यता मात्र झल्किरहेको देखिएको छ ।

अध्यक्ष पदको लागि जीतेन्द्र प्रसाद सिँह, सुरेन्द्र भण्डारी र मनिष सुमन साहबीच त्रिकोणात्मक प्रतिष्पर्धा हुनेछ । जसको लागि पनि यहाँका केही व्यवसायी बाहेक रहेको हजारौँ मतदाता व्यापारीमा भने खासै उत्साह देखिएको छैनन् । अधिकांश व्यवसायी जातको हिसाबले मत खसाउने बाध्यतामा छन् भने अधिकांश व्यवसायीलाई मत खसाउनु नै बाध्यता जस्तो महसुस गरेको एक व्यवसायीले सुनाए ।

जनकपुरधामको व्यवसाय फस्टाउनको लागि उम्मेदवारहरुले कुनै पहल नगरेको गुनासो व्यवसायीहरुको छ । उनीहरु चुनाव आएपछि मात्र आसा बाँडने कार्य गरेको आरोप छ । व्यापार सँघमा आवद्ध भएको कारण मात्रै मत दिने बाध्यता रहेको शिवचौकस्थित पसल थापेका एक व्यपारीले बताए । उनले भने, मत त खसाउनै पर्छ, तर, अहिलेका उम्मेदवारहरुमध्ये कोही कसैले हाम्रो लागि केही गरेको छैन् । उनीहरुको हाउभाउ, लप्पन छप्पन हेर्दा कुनै राजनीतिक पार्टीको चुनाव भईरहेको जस्तो व्यवहार गरिरहेको छ । व्यापारीको लागि के गर्छ त्यो मायने राख्दैन, अहिलेसम्म कसले के गरिदिएको छ व्यापारीहरुले त्यहाँ पनि मत दिने हो ।”

जनकपुरधाम उद्योग वाणिज्य संघमा अहिले ४ हजार ७६ सदस्य मतदाता छन् । अध्यक्ष पदका तीनै उम्मेदवार व्यवसायी, व्यापारीहरुको पसल पसल घुमेर मत माग्नमा व्यस्त छन् । उनीहरु पसल पसल घुमेर आफूलाई मत दिन भन्दै व्यापारीलाई रिझाउन मात्रै व्यस्त देखिन्छन् । भोली शनिबार हुने चुनावमा सुरेन्द्र भण्डारी, जीतेन्द्र प्रसाद साह वा मनिष रमण साहमध्ये कसले नेतृत्व गर्ने भने तय हुनेछ ।

जनकपुरधाममा तीनै चर्चित नाम हुन् । यहाँका व्यापारीहरुको लागि तीनै मुखौटाले समय समयमा बोल्दै आएका प्रतिनीधि हुन् ।