सिन्धुलीको भगवति बोर्डिँग स्कूलमा जनकपुरका एक विद्यार्थीको शंकास्पद मृत्यू, घटना दबाउन प्रपँच

न्यूज ब्यूरो, जनकपुरधाम । जनकपुरका एक विद्यार्थी सिन्धुलीस्थित भगवति सेकेण्डरी स्कूलमा अध्ययनरत जनकपुरका एक विद्यार्थीको शंकास्पद मृत्यू भएको छ ।

गत भदौ २ गते दिउँसो करिब ३ बजेको समयमा भगवति सेकेण्डरी स्कूलमा अध्ययनरत जनकपुरका रजनीश साहको शंकास्पद मृत्यू भएको हो । कक्षा ८ मा अध्ययनरत साहको शंकास्पद मृत्यू भएको परिवारजनले आरोप लगाएका छन् ।

उनी बेहोस अवस्थामा भेटिएको र उनलाई उपचारको लागि सिन्धुलीकै एक अस्पतालमा भर्ना गरी विद्यालय व्यवस्थापन पक्षले रजनीशको बुवालाई फोन गरी जानकारी गराएको बताईएको छ ।

बुवालाई फोन गरेपछि जाँदै गरेको अवस्थामा विद्यालयको तर्फबाट पुनः फोन गरी उनलाई धुलिखेल अस्पताल रिफर गरिएको जानकारी गराएको थियो । बिहानपथ रक्षाबन्धनको पर्व भएकोले २ गते नै जान सक्ने अवस्था नभएपछि उनीहरु ३ गते गएको थियो ।

अस्पताल पुगेपछि उनको उपचारको क्रममा मृत्यू भएको खवर पाएको जनाइएको छ । रजनीशलाई रक्षाबन्धनमा विदा नदिएपछि उनले आ त्म ह त्या को प्रयास गरेको बताईएको छ । सोही क्रममा रजनीश गम्भिर घाईते भएको परिवारजनको भनाई छ ।

परिवारजनले घटना उचित छानबिन गर्नुपर्ने माग अघि सारेको छ । यता, जिल्ला प्रहरी कार्यालय सिन्धुलीले घटनाको पुष्टि गर्दै सो सन्दर्भमा अनुसन्धान भईरहेको जानकारी गराएको छ ।