मधेश प्रदेशबाट एक बर्ष अगाडी नै सरुवा भएका प्रहरी हबल्दार मुखिया कसरी तानिए ?

न्यूज ब्यूरो, जनकपुरधाम । मधेश प्रदेशका डिआईजी यज्ञ विनोद पोखरेलको खातामा अस्वभाविक रकम जम्मा भएको उजुरीपछि भएको खैलाबैलाको क्रममा एक हबल्दार अनाहकमा तानिएको बताईन्छ ।

मधेश प्रदेशको धनुषा जिल्लामा कार्यरत रहेको बेला प्रहरी हबल्दार ब्रजेश मुखिया सरुवा भएको एक बर्षपछि भोजपुर जिल्लाबाट अस्वभाविक रुपमा तानिएको हो ।

वि.सं. २०८० साल असार ४ गते नै रबाना बुझेर धनुषाबाट भोजपुर जिल्ला सरुवा भई कार्यरत रहेका हबल्दार ब्रजेश मुखिया समेत डिआईजीको खाता प्रकरणमा तानिएपछि शंका उब्जिएको हो ।

एक साथीभाईसँग भएको लेनदेनको क्रममा उनीमाथि उजुरीपछि सोही प्रकरणमा समावेश गरी तानिएको बताईएको छ । मुखिया अहिले प्रहरी हेडक्वाटरमा तानिएका हुन् ।

गत बर्ष नै रबाना लिएर धनुषाबाट भोजपुर जिल्ला सरुवा भईसकेका हबल्दार मुखियालाई डिआईजीको प्रकरणमा तानिएपछि प्रश्न उब्जिएको हो । यद्यपी, यसको पछाडीके कारण रहेको सन्दर्भमा अनुसन्धान भने जारी रहेको छ ।

मधेश प्रदेशका डिआईजी पोखरेलसहित ११ प्रहरीमाथि अनुसन्धान सुरु भएको हो । खातामा अस्वभाविक रकम जम्मा भएको प्रकरणमा छानबिन सुरु भएको हो ।