नेपाल-भारत बोर्डरमा शंकास्पद ड्रोन, दुवै तर्फको सुरक्षा निकायमा हडकम्प

न्यूज ब्यूरो, वीरगञ्ज । राति–राति नेपाल-भारतको सीमामा ड्रोन देखिए पछि दुवैतर्फका सुरक्षामा हड्कम्प मचिएको छ ।

केही समय अघि रातको समयमा एक्कासी नेपाल–भारतको सीमामा ड्रोन उडेको खबरले दुवैतर्फको सुरक्षानिकायमा हड् कम्प मच्चिएको छ । वीरगञ्ज स्थित आइसीपी क्षेत्रमा मध्यराति पाँच वटा ड्रोन उडेको खबरले दुवैतर्फको सुरक्षा निकायमा खैलाबैला मच्चेको जनाइएको छ । वितेको बुधबार राती पुनः ड्रोन उडेपछि आइसीपी क्षेत्रमा जनपथ र शसस्त्र प्रहरी खोजतलास गरेको स्थानीयको भनाइ छ ।

पर्साको सिरिसिया एक स्थानीयवासीले जनाए अनुसार आइसीपी सीमाक्षेत्रमा अबेर राति उडेको ड्रोन प्रहरी परिचान भएपछि परवानीपुर पुगे पछि गायब भएको थियो । आइसीपी र सीमा क्षेत्रमा राति एक्कासी ड्रोन उडेको सूचना आएपछि सुरक्षा सजगता बढाइएको जिल्ला प्रहरी कार्यालय पर्साका प्रवक्तासमेत प्रहरी नायब उपरीक्षक दीपक भारतीले बताए ।

उनले आकाशमा ड्रोन उडेको जानकारी प्राप्त भएपछि दुवैतर्फका प्रहरी परिचालन गरिएको बताए । उनले भने, ‘बुधबार राती पनि आइसिपि र त्यसक्षेत्र माथी राती ड्रोन उडेको सुचना आएपछि प्रहरी परिचान गरिएको थियो ,तर अहिलेसम्म ठोस प्रमाण भेटिएको छैन हामि खोजीकार्य जारी राखेका छौ ।’

केही समय यता नेपाल– भारत सीमानाकाबाट चिनियाँ तथा पाकिस्तानी नागरिकहरुको बढ्दो अवैद्य प्रवेश पछि सीमा तथा आइसीपी जस्तो सुरक्षा संवेदनशील क्षेत्रमा देखिएको संदिग्ध ड्रोन उडानले थप सुरक्षा चुनौती बढाएको छ । आजको जनकपुरटुडेमा वीरगँजबाट पत्रकार अनिल तिवारीले समाचार लेखेका छन् ।