मिथिलाबिहारी नगरपालिकाको बजेट ४३ करोड बढी

न्यूज ब्यूरो, जनकपुरधाम । धनुषाको मिथिलाबिहारी नगरपालिकाले ४३ करोड बढीको बजेट ल्याएको छ । आर्थिक बर्ष २०८१ ०८२ को लागि नगरपालिको सो बजेट प्रस्तुतिकरण गरेको हो ।

सोमबार सम्पन्न १० औँ नगरसभाबाट आगामी आर्थिक बर्ष २०८१ ०८२ को लागि कुल ४३ करोड ४९ लाख २३ हजार रुपैयाँको बजेट ल्याएको हो ।

“समुन्नत, सुरक्षित र वातावरणमैत्री सुन्दर मिथिलाबिहारी शहर, कृषि, पर्यटन, स्वास्थ्य, शिक्षा एवम् प्रविधिमैत्री समृद्ध मिथिलाबिहारी नगर” मूलनारासहित बजेट ल्याइएको हो ।

सोमबार नगर प्रमुख राजेन्द्र प्रसाद यादवले बजेट प्रस्तुतिकरण गरेका हुन् । सो क्रममा उपमेयर शोभा देवी साहले बजेटको बारेमा विस्तृत पारेकी थिइन् ।

नगरपालिकाका प्रमुख प्रशासकीय अधिकृत नागेन्द्र यादव, लेखा अधिकृत सुभाष झाको विशेष आतिथ्यमा सम्पन्न १० औँ नगरसभाबाट सो बजेट ल्याएको हो । नेपाल सरकारको नम्स अनुसार असार १० गतेसम्म बजेट ल्याउन सफल भएको हो ।