मेसिन ह्याँग भएर पेट्रोल बेंशी गएको देखायो, कम दिएका छैनौँः बाबा पेट्रोलियम

न्यूज ब्यूरो, जनकपुरधाम । जनकपुरधामस्थित रहेको बाबा पेट्रोलियमले पेट्रोल तान्ने मेसिन ह्याँग भएर गडबड डिजिट मात्र देखाएको बताएका छन् ।

जनकपुरधाम उपमहानगरपालिका वडा नम्बर २० देवपुरा रुपैठास्थित रहेको बाबा पेट्रोलियममा तोकिएको रकमभन्दा कमै रकममा अधिक पेट्रोल देखाएको बताइएको छ ।

बाबा पेट्रोलियममा सँचालक विवेक कुमार साहले विभिन्न सँचारमाध्मयमा आएको समाचारप्रति खण्डन गर्दै सिस्टम ह्याँगले मात्र त्यस्तो देखाएको दाबी गरेका छन् । उनले कुनै उपभोक्तालाई कम पेट्रोल नदिएको दाबी गरेका छन् ।

विहिबार एक उपभोक्ताले कमै रुपैयाँ अधिक पेट्रोल देखाएको र रकम बमोजिम पेट्रोल नपाएको भन्दै समाजिक सँजालसहित विभिन्न मिडियामा समाचार आएको थियो । कम पेट्रोल दिने गरेको आरोप लगाएपछि सँचालक साहले आरोप निराधार रहेको बताए ।

उनले सिस्टम ह्याँग भएर मात्र अधिक देखाएको र हामीले थोरै रुपैयाँमा अधिक पेट्रोल दिएपछि राम्रै हो भनेर खण्डन गरे । उनले मेसिनमा जे देखाएपनि पेट्रोल सही सही गएको बताए ।