जनकपुरमा प्रहरी र युवाबीच घम्साघम्सी, दर्जन बढी पक्राउ !

न्यूज ब्यूरो |
जनकपुरधाम, ३० जेठ । जनकपुरमा प्रहरी र युवाबीच समान्य झडप भएको छ ।

झडपको क्रममा जिल्ला प्रहरी कार्यालय धनुषाले केही युवाहरुलाई नियन्त्रणमा लिएको जनाइएको छ ।

जनकपुर अञ्चल अस्पताल मेसु काण्ड उग्र हुँदै गएको छ । अस्पतालका मेडिकल सुपरिटेन्डेन्ट डा. रामपरीक्षण यादव उपर मसी छकेको विषयलाई लिएर नेपाली काँग्रेसका भातृ सँगठन तरुण दल धनुषाका उपाध्यक्ष राकेश विक्रम साह सहित अन्य ५ जनालाई पक्राउ गरेपछि माहौल तातिएको हो ।

पक्राउ परेका राकेश विक्रम साह सहित अन्य ५ जनालाई रिहाईको माग गर्दै युवाहरुले विहानैदेखि जनकपुरको जनकचोकमा प्रहरी प्रशासन विरुद्ध नारावाजी गरेका छन् ।

नारावाजी र विरोध स्वरुप प्रर्दशन गर्दै गर्दा प्रहरीले हस्तक्षेप गर्न खोजेपछि समान्य झडप भएको प्रत्यक्षदर्शीहरुले बताएका छन् ।

झडपको क्रममा प्रहरी नियन्त्रणमा लिएका युवाहरुको नाम भने खुलाइएको छैन भने यस घटनाको विस्तृत विवरण आउन बाँकी रहेको छ ।