न्यूज ब्यूरो, जनकपुरधाम । पटक पटक ठगी आरोपमा विवादमा पर्दै आएको जनकपुरको बाबा पेट्रोलियमले ग्राहक ठगी गरेको आरोप लगाईएको छ ।
कैयौँ पटक पेट्रोलियममा ठगी गरेको आरोप र प्रमाणसहित समेत भेटेर कारवाही भोगेको बाबा पेट्रोलियमले ठगी गरेको आरोप एक उपभोक्ताले लगाएका छन् ।
-(1).png)
जनकपुरधाम उपमहानगरपालिका वडा नम्बर २० देवपुरा रुपैठास्थित सँचालनमा रहेको बाबा पेट्रोलियमले ठगी गरेको आरोप एक उपभोक्ताले लगाएका छन् । रकम पुरै लिएर पेट्रोल कम दिएको आरोप उपभोक्ताले लगाएका छन् ।
यसअघि पनि कम पेट्रोल दिने गरेको समाचारपछि नेपाल आयल निगम र नापतौल विभागको टोलीले नापजोख गर्दा ईन्धन कम आएको देखिएको थियो । त्यसपछि सँचालकले नापतौल गुणस्तरले यकिन गरी कुनै समस्या नभएको बताएको सर्टिफिकेट दिएको दाबी गरिएको थियो ।
विहिबार बाबा पेट्रोल पम्पमा पेट्रोल लिन गएका धनुषाकै एक युवकले रु. १६० रुपैयाँको पेट्रोल माग्दा उनको डिस्पलेमा १ लिटर ४० एम.एल. पेट्रोल गएको देखाएपनि ईन्धन कम गएको आरोप लगाईएको छ ।
“नेपाल सरकारको दर अनुसार प्रतिलिटर १६५ रुपैयाँ ६५ पैसा मूल्य भएपनि रु. १६० मै १ लिटर ४० एमएल पेट्रोल गएपछि शंका लागेको थियो । १६५ रुपैयाँमा १ लिटर जानुपर्नेमा १६० रुपैयाँमै अर्थात करिब ६ रुपैयाँ कममै ४० एमएल बढी पेट्रोल दिने सवाल नै उत्पन्न हुँदैनन् ।”– उपभोक्ता मोनु झाले बताए ।
यो पनि पढनुहोस्
यसअघि पनि त्यहाँ ईन्धन भराउँदा कम ईन्धन दिने गरेको गुनासो आईरहेको थियो । झाको गाडी रिजर्वमा रहेको अवस्थामा ३ सेकेण्डमै १ लिटर ४० एमएल पेट्रोल कसरी गयो भनेर सोध्दा त्यहाँका कर्मचारीले बढी नै गएको भनेर जवाफ फर्काएका थिए । तर, उनको सवारी रिजर्वमा हुँदा ईन्धन हालेपछि रिजर्व खुल्नुपर्नेमा रिजर्व समेत नखुलेको र तेल गएको महसुस नै नभएपछि उनले प्रश्न तेर्साएका थिए ।
उनले सरोकारबाला निकायले यथाशिघ्र चेकजाँच गरी कारवाहीको दायरामा ल्याउनुपर्ने बताए ।
यता, बाबा पेट्रोलियमका सँचालक विवेक कुमार साहले आरोप मिथ्या रहेको बताएका छन् । उनले समाचार तथ्यप्रति खण्डन गर्दै आरोप निराधार रहेको दाबी गरे । उनले मेसिन डिस्पले बिग्रेर त्यस्तो देखाएको हुन सक्ने बताउँदै आरोपलाई निराधार बताए ।
पुनश्चः यसअघि सँचालकको तर्फबाट प्रतिक्रिया नलिईन असन्तुलित समाचार प्रकाशित हुन गएकोमा हामी क्षमा प्रार्थी छौँ, आगामी दिनमा यसप्रति सजग हुने प्रतिवद्धता जाहेर गर्दछौँ– सम्पादक
मिर्चैयामा जन सेवा युवा कल्बद्वारा रक्तदान सम्बन्धी जनचेतना कार्यक्रम समपन्न
- २०८१ जेठ ३१ बिहीबार
न्यूज ब्यूरो, सिरहा। रगतविनाको जीवनको कल्पना पनि गर्न सकिँदैन । स्व–इच्छाले रगत दान गर्नुलाई नै रक्तदान भनिन्छ । आकस्मिक कारणले अकालमा ज्यान जान लागेको मानिसलाई बचाउने विकल्प रक्तदान नै हो ।
पूरा पढ्नुहोस्
