तरुण दल सिरहाका पूर्व उपाध्यक्षलाई कालोमोसो

न्यूज ब्यूरो, सिरहा । नेपाली काँग्रेस पार्टी निकट भातृ सँगठन तरुण दल सिरहा जिल्ला कार्य समितिका पूर्व उपाध्यक्षलाई कालोमोसो दलिएको छ ।

नेपाल तरुणदल सिरहा जिल्ला कार्यसमिति सिरहाका युवाहरुले नेपाल तरुणदलका पुर्व उपाध्यक्ष सरदराजा साहीलाई शनिबार दिउँसो कालो मोसो दलेको हो ।

नेपाली कांग्रेस सिरहामा पार्टी भित्र नै केही बिचौलिया नेताहरुको उसकाहटमा सरद राज साहिले गुटबन्दी गर्दै,पार्टीलाई भारभैलो गर्ने, चुनाबको समयमा विपक्षीलाई समर्थ गर्ने भएको आरोप लगाउँदै तरुणदलका युवाहरुले कालोमोसो दलेका हुन ।

नेपाली कांग्रेसका नेता नरेश यादवले सरद राजा साहिलाई उसकाएर भाडभैलो गर्न लगाउने गरेको आरोप तरुणदलका युवाहरुले लगाएका हुन । यस्तो कार्य नसुध्रिए अव पूर्व साँसद नरेश यादवलाई कालोमसो दल्ने चेतावनी समेत दिएको हो ।

नेपाली कांग्रेसकाको बिधान अनुसार भन्दा पनि बाहिर गएर आफ्नो मनमर्जी गरेकोले कालोमसो दलेका हुन । सो कालो मोसो नेपाल तरुणदल सिरहा जिल्ला कार्यसमितिले दलेका हुन ।