Breaking ! धनुषाको बीरेन्द्रबजारमा "प्रेसर कुकर बम" फेला, बमस्थलमा सेनाको डिस्पोज टोली

न्यूज ब्यूरो |
जनकपुरधाम, २८ जेठ । धनुषाको बीरेन्द्र बजारमा कुकर बम फेला परेको छ ।

धनुषाको गणेशमान चारनाथ नगरपालिकाको बीरेन्द्रबजार स्थित रहेको रामजानकी मन्दिरको विपरित दिसामा रहेको पोखरीको डीलमा उक्त बम भेटाएको ईलाका प्रहरी कार्यालय भरपुर बीरेन्द्र बजारका सई दीप अर्यालले जानकारी दिए ।

बम फेला परेको सुचना सँगै ईलाका प्रहरी कार्यालयबाट खटिएको प्रहरी टोलीले एरिया क्लीयर गर्ने कार्य तीव्र पारेका छन् ।

यता, नेपाली सेनाको बम डिस्पोजल टोली बम स्थल पुगिसकेको प्रहरीले जनाएको छ ।

सेनाको धारापानी बेस क्याम्पबाट टोली बम निस्क्रिय गर्नको लागि पुगिसकेको जनाइएको छ ।

बम को र किन राखिएको बारे जानकारी आउन बाँकी रहेको छ ।