जनकपुरमै पहिलो पटक नैना हस्पिटलमा दुरबिनबाट महिलाको अप्रेशन गर्ने

न्यूज ब्यूरो, जनकपुरधाम । जनकपुरधामस्थित सँचालनमा रहेको चर्चित डाक्टर वृजमोहन रजकको नैना हस्पिटलमा दुरबिन माध्यमबाट महिलाको अप्रेशन गर्ने भएको छ ।

जनकपुरको रामानन्दचोकस्थित रहेको नैना हस्पिटलमा हुने दुरबिन प्रविधि जनकपुरमै पहिलो पटक स्थापित हुने बताईएको छ । आईतबार एक जनकपुरको नैना हस्पिटल आएका दिग्गज डाक्टरहरुले दुरबिन प्रयोगबाट महिलाको अप्रेशन गर्दा खतरा एकदमै न्यून हुने दाबी गरे ।

पेटमा बच्चा हुँदा डेलेभरीको समयमा अप्रेशन गर्दा बिना दुरबिन प्रयोग प्रविधिले खतरा रहँदै आएकोमा दुरबिन प्रविधिबाट अप्रेशन हुन थालेपछि स साना भागहरु प्रष्ट रुपमा देखिने बताईएको छ । यसले अप्रेशनको बेला आवश्यक भन्दा अन्य अंक कटिने खतरा न्यून हुने बताईएको छ ।

नैना हस्पिटल प्रालिका प्रमुख डा. बृज मोहन रजकको अध्यक्षतामा भएको एक कार्यक्रममा दुरबिन प्रयोग र यसको फाईदाहरुबारे झल्काएको थियो ।

दुरबिनको प्रयोग बिना अप्रेशन गर्दा शरिरको धेरै भाग चिर्नु पर्ने हुँदा बिरामीलाई ठिक हुन समय लाग्ने तर दुर्बिनको प्रयोग हुँदा शल्यक्रिया गर्न सजिलो हुने नैना हस्पिटलका प्रमुख रजकले बताए । पत्रकार सम्मेलनमा बोल्दै डा. रजकले आर्थिक रुपले बिपन्न ब्यक्तीको निम्ति विशेष लाभदायिक होस् भन्ने आफूले चाहेको यस्तो प्राविधि अस्पतालले प्रयोगमा ल्याएको उनले बताए ।

ल्यास्कोपीकोबाट पनि शल्यक्रिया गर्न सकिन्छ भन्ने आम मानिसमा जानकारी नभएको अवस्थामा यस किसिमको कार्यक्रमले विशेष राहत प्रदान गर्ने डा रजकले बताए ।

यता , अतिथिका रुपमा आमन्त्रित प्रादेशिक अस्पताल जनकपुरका मेसु डा. राम नरेश पण्डितले जनकपुरको लागि यस्तो प्रबिधि प्रयोग हुनु गौरवको विषय भएको बताए ।

ल्याप्रोस्कोपीको मध्यमबाट अधिक बिरामीले उपचार गर्दा खर्च कम र जोखिम समेत कम हुने उनको तर्क छ ।

कार्यक्रममा जनकपुरका स्त्री रोग विशेषज्ञ चिकित्सक आर एन झा लगाएतका चिकित्सक, स्वास्थ्यकर्मी, बुद्धिजीवी ,पत्रकार र स्वास्थ्य सरोकारबालाहरुको सहभागिता रहेको थियो ।