प्रदेश २ मा जमेको "झुम्की यात्रा"

न्यूज ब्यूरो |
जनकपुरधाम, २७ जेठ । महिला हिंसामा आधारित झुम्की नाटक जनकपुर सहित मधेसको अन्य जिल्लाहरुमा प्रदर्शन गरिएको छ ।

गत शुुक्रबार बिहान ८ बजे जानकी मन्दिरको प्रागंनमा प्रदर्शित नाटक झुम्कीमा समुदायका उत्पिडित,उपेक्षित र बहिष्कृत व्यक्तिको आवाज बन्ने प्रयास गरिएको हो ।

समाजमा व्याप्त दहेज प्रथा,महिला हिंसा,ब्लात्कार जस्ता लज्जास्पद घट्नाहरु प्रति जनतालाई जागरुक बनाउने उद्देश्यले झुम्की नाटक प्रदर्शन गरिएको नाटककी प्रंमुख पात्र एवम् कलाकार रीना रिमालले बताइन् ।

नाटक भरि एक ब्लात्कृत महिलाको पीडा तथा संघर्ष देखाइएएको थियो । ब्लात्कृत भएपछि एक महिलाले लाज वा डर नमानी प्रहरीमा उजुरी दिने साहस गरेको नाटकमा देखाईयो ।

यस नाटक बाट तराई—मधेशमा बढिरहेको ब्लात्कारको घट्नालाई बाहिर ल्याउन सहयोग भेट्ने नाटककी संयोजक लक्ष्मी चौधरीले आशा व्यक्त गरिन् ।

समाजमा ब्लात्कृत महिलालाई डर तथा लाजका कारण ब्लात्कारी विरुद्ध उजुरी दिन नहुने मान्यतालाई नाटक झुम्कीले हटाउने काम गरेको नाटककी एक कलाकार पूनम ढकालले बताइन ।

मंगलबार देखि सुरु भएको नाटक झुम्की प्रदेश नम्बर २ को सप्तरी देखी पर्सा सम्म करिब १६ स्थानमा प्रदर्शन गरिनेछ ।