धनुषाधामको स्वास्थ्य क्षेत्र मजबुत गर्नुपर्छः नेता ढुँगाना

न्यूज ब्यूरो, धनुषा । नेपाली काँग्रेसका नेता एवम् राष्ट्रिय सभा सदस्य आनन्द प्रसाद ढुँगानाले धनुाषधाम क्षेत्रको स्वास्थ सँस्था मजबुतीको आवश्यकता औल्याएका छन् ।

शनिबार धनुषाधाम नगरपालिका वडा नम्बर ६ स्थित स्वास्थ्य सँस्था भवनको शिलान्यास गर्दै उनले धनुषाधाम क्षेत्रमा स्वास्थ्यको अवस्था मजबुत हुनुपर्ने बताए ।

मधेश प्रदेश सरकार स्वास्थ्य तथा जनसंख्या मन्त्रालयको २५ लाख बजेटमा निर्माण हुने स्वास्थ्य भवनको शिलान्यास गरिएको छ । सो भवन उपभोक्ता समिती द्वारा निर्माण कार्य शुरु गरिने भएको छ ।

हिन्दु परम्परा अनुसार पुजापाठ गरि बिधिवत रुपमा शिलान्यास गरिएको छ । शिलान्यास गर्दै नेता ढुंगानाले स्वास्थ्य क्षेत्र मानव संवेदनासँग सीधा गाँसिएको क्षेत्र भएको हुनाले सबै निकायले प्राथमिकतामा राखी स्वास्थ्य क्षेत्र मजबुत गर्नुपर्नेमा जोड दिए ।

धनुषाधाम नगरपालिकाका नगरप्रमुख बालेश्वर मण्डल, उपप्रमुख विद्या देवी भुजेल, मधेश प्रदेश कृषि विभागका सभापति एवं प्रदेश सभा १ “क” सांसद संजय महतो , धनुषाधाम नगरपालिकाका नगरप्रमुख बालेश्वर मण्डल, महासमिती सदय पदमा ढुंगाना , वडा नं २ का अध्यक्ष लक्ष्मी साह, वडा नं ५ का अध्यक्ष इन्द्रकुमार महतो ,६ का अध्यक्ष ऋषिकेश लामा , कार्यापालिका सद्स्य बिक्रु मिझार,लगायत समाजसेवीहरु व्यापक उपस्थिति रहेको थियो ।

सो अवसरमा वडा नं ६ को कार्यालयमा भर्खरै मधेश प्रदेशमा निर्वाचित राष्ट्रिय सभा सद्स्यमा आनन्द प्रसाद ढंगानालाई सम्मान वडा अध्यक्ष ऋषिकेश लामाले गरेका थिए ।