स्कारपियो दुर्घटना हुँदा धनुषाका एकको मृत्यू, दुई गम्भिर

न्यूज ब्यूरो |
जनकपुरधाम, २६ जेठ । स्कोरपीयो दुर्घटनामा परी धनुषाका एक जनाको ज्यान गएको छ ।

शनिबार विहानै ३ बजे तीर्थस्थल देबघाटको लागि निस्केको बा ४ प ७७६७ नम्बरको स्कोरपियो धनुषाको सबैला नगरपालिका वडा नं. १२ रघुनाथपुरबाट तीर्थालु लिएर निस्केको थियो ।

बाराको निजगढ सडकखण्डमा स्कोरपीयो ओभरटेक गर्नेक्रममा दुर्घटना भएको जनाइएको छ ।

दुर्घटनामा परी सबैला नगरापालिका वडा नं. १२ बस्ने अन्दाजी बर्ष ६० का नारायण श्रेष्ठ रहेको जनाइएको छ ।

दुर्घटनामा अन्य दुई जनाको अवस्था गम्भिर रहेको छ । दुर्घटनामा परी बर्ष अन्दाजी बर्ष ५५ का सुरेन्द्र महतो र बर्ष ३५ की रिना यादव, विनिता केसी लगायत गाडीमा सवार तिर्थालुहरु सबै घाईते भएका छन् ।

सुरेन्द्रलाई टाउको र छातीमा गम्भिर चोट लागेको छ रिनालाई समेत विभिन्न ठाउँमा गम्भिर चोट लागेको बताइएको छ ।

उनीहरुको उपचार चितवन मेडिकल कलेज चितवनमा भईरहेको छ भने चालकलाई नीजगढ प्रहरीले नियन्त्रणमा लिएको छ ।