मुखियापट्टि मुसरनियाँ गाउँपालिकामा FREE WIFI जडानको सम्झौता, जेठमहिनादेखि चल्नेः अध्यक्ष यादव

२०८० फाल्गुण २८ सोमबार
बेलुकी ७:४५ बजे

न्यूज ब्यूरो, डेस्क

न्यूज ब्यूरो, जनकपुरधाम । दक्षिणी धनुषाको सीमावर्ती पालिका मुखियापट्टि मुसरनीयाँ गाउँपालिकामा निःशुल्क इन्टरनेट जडानको लागि सम्झौता गरेको छ ।

इन्टरनेट सेवा प्रदायक कम्पनी सुबिसुसँग मुखियापट्टी मुसरनियाँ गाउँपालिकाले गाउँपालिकावासीको लागि निःशुल्क इन्टरनेट (वाईफाई) जडान गरेर दिने सम्झौता गरेको गाउँपालिका अध्यक्ष जयकुमार यादवले बताए ।

Advertesment

यादवका अनुसार सुबिसु केवल नेटसँग सम्झौता भई आगामी बर्ष २०८१ को जेठ महिनासम्म इन्टरनेट जडान गरी गाउँपालिकावासीलाई लाभ दिने बताए ।

केही दिनअघि गाउँपालिकाले निकालेको ई–बिडिङमा इन्टरनेट सेवा जडान गर्न सुबिसुले ठेक्का हात पारेको छ । सम्झौता भएसँगै सुबिसुले इन्टरनेटसेवा जडानका लागि आफ्नो प्राविधिक काम अगाडि बढाएको छ ।

चुनावको बेला ‘फ्रि वाइफाइ’ उपलब्ध गराउने मतदातासँग गरेको वाचाअनुसार यो प्रक्रिया अगाडि बढाइएको अध्यक्ष जयकुमार यादवले बताए ।

उनले ‘फ्रि वाइफाइ’ सेवा सञ्चालनमा आएसँगै गाउँपालिकाका सबै वडावासीले पैसा खर्च नगरी इन्टरनेटको सुविधा उपयोग गर्न पाउने भनेका छन ।

‘फ्रि वाइफाइ’ उपलब्ध भएसँगै इन्टरनेट प्रयोग गर्न पालिकावासीले डेटा खरिद गर्न गरिरहेको खर्च बचत हुने अध्यक्ष यादवले बताए । उनले ‘फ्रि वाइफाइ’ योजनाअन्तर्गत एकैपटक २० देखि २५ हजार मोबाइल प्रयोगकर्ताले इन्टरनेट सेवा प्रयोग गर्न पाउने छन ।

अध्यक्ष यादवले भने, २० देखि २५ हजार मोबाइल फोन प्रयोगकर्ताले यो सेवा उपयोग गर्नसक्ने गरी ‘फ्रि वाइफाइ’ जडान गर्दैछौं । एउटा प्रयोगकर्ताले डेटा खरिद गर्न औसतमा मासिक ४ सय देखि ५ सय रूपैयाँ खर्च गर्छन् ।

निःशुल्क इन्टरनेट उपलब्ध भए वार्षिक कम्तीमा १ करोडबढी रकम बचत हुन्छ । यो पालिकावासीको बचत हुनेछ । ‘फ्रि वाइफाइ’ सेवा जडान भएर सञ्चालनमा आउँदा विद्यार्थीहरूलाई इन्टरनेटको माध्यमबाट ज्ञान हासिल गर्न सहज हुने उनले बतााए ।

गाउँपालिका अध्यक्षमा निर्वाचित भएसँगै ‘फ्रि वाइफाइ’ सेवा जडान गर्न पहल गरे पनि वाधा अड्चन आएको बताउँदै अध्यक्ष यादवले अहिले आएर यो कार्यान्वयनमा आउन थालेपछि आफूलाई खुसी लागेको बताए ।

सम्झौताअनुसार इन्टरनेट सेवा प्रदायक कम्पनी सुबिसुले पालिकाभर ४८ स्थानमा ‘एक्सेस प्वाइन्ट (AP) जडान गर्नेछ। प्रति एपीमार्फत एकैपटक कम्तीमा ८ सय मोबाइल प्रयोगकर्ताले इन्टरनेट सेवा प्रयोग गर्न पाउनेछन् ।

डिपिआरमा ४१ एपी आवश्यक देखिए पनि इन्टरनेटको सहज उपलब्धताका लागि ४८ स्थानमा जडान गर्न लागिएको अध्यक्ष यादवले बताए ।

४५ दिनभित्र एपी जडानसहित सम्पूर्ण प्राविधिक कार्य पूरा गरेर जेठ १ गतेबाट ‘फ्रि वाइफाइ’ सेवा उपलब्ध गराउने लक्ष्य इन्टरनेट प्रदायक संस्था सुबिसुले जनाएको छ ।

कस्तो महसुस भयो ?

प्रतिकृया दिनुहोस्

अर्को समाचार

विचार / ब्लग

'सोच परिवर्तन भए मात्र देशको विकास सम्भव छ'

२०८० फाल्गुण २८ सोमबार
ईन्द्रजीत गोईत

हाम्रो देशको अवस्था दिनप्रतीदिन नाजुक हुँदै गइरहेको छ । हाम्रो पहिचान समाप्त हुँदै गइरहेको छ । हाम्रो देशको विकास तब मात्र सम्भव छ जब यो देशको हरेक नागरिक आफ्नो जिम्मेवारी

हाम्रो देशको अवस्था दिनप्रतीदिन नाजुक हुँदै गइरहेको छ । हाम्रो पहिचान समाप्त हुँदै गइरहेको छ । हाम्रो देशको विकास तब मात्र सम्भव छ जब यो देशको हरेक नागरिक आफ्नो जिम्मेवारी इमानदारीपूर्वक निर्वाह गर्छन् ।

भ्रष्टाचारलाई रोक्नुपर्छ अनि मात्र विकास सम्भव छ । सबैलाई थाह हुँदाहुँदै किन सबै मौन छन् त रु के उनीहरु देश विकास भएको हेर्न चाहदैनन् रु चाहन्छ भने के कुराले रोकेको छ रु हामी अहिले आधुनिक युगमा छौँ जहाँ हरेक कुरा आधुनिक तरिकाले तयार गरेको हुन्छन् । तर हाम्रो सोच चाँहि जस्ताको त्यस्तै छ ।

हामी गर्नलाई सब कुरा गर्छौं तर सहि सोच अपनाउन सक्दैनौं । जस्तै हरेक ठाउँमा सरसफाइ त हुन्छ तरपनि त्यो ठाउँ फोहरले भरिएको हुन्छ्न किन ? किनकि हामी सहि सोचका साथ सरसफाइ गरेको हुँदैनौं । सरसफाइ गर्दा त्यहाँ फोहर राख्ने व्यवस्था गर्दिनु पर्छ ।

सबै नागरिक जिम्मेवार नहुँदा जति सरसफाइ गरेपनि फोहरले नै भरेको हुन्छन् । सरसफाइ गरेर मात्र देश विकास सम्भव छैन । सबै कुरामा सबै नागरिक सहि सोचका साथ अगाडि बढनु पर्छ । सबैलाई अवसर दिनुपर्छ । सबभन्दा जरुरी राजनीतिमा शिक्षित युवालाई ल्याउनु पर्छ ।

यहाँ नपढेको मान्छे धाक हेराउँछ र पढेलेखेको युवा अरुको देशमा गएर दुस्ख गरेर आफ्नो खुसीको हत्या गरेर अरुलाई खुशी पारिरहेको हुन्छन् । के हामी यस्तै जीवन बिताउने हो त ? हाम्रो आउने पीढिलाई के जवाफ दिने ? किन सबै चुप छन् ? के हामी आउने पीढिलाई खुशी हेर्न चाहदैनौं ? यदि चाहन्छौं भने सहि सोच बनाउनु पर्छ र अगाडि बढनु पर्छ । सडक बनाएर र सरसफाइ गरेर देश विकास हुँदैन ।

देश विकासका लागि सबै कुरामा विकास हुनु पर्छ । देश विकासका लागि सबै नागरिकलाई गुणस्तरीय शिक्षा दिनु पर्छ । आऔं अब सोच बदलौं र देश विकास तिर लागौं । सबैजना आ(आफ्नो क्षेत्रबाट योगदान दिएर सुन्दर र सक्षम देश बनाऔं । जिम्मेवार नागरिक भएर निस्वार्थ भई काम गरौं । सस्तो लोकप्रियता कमाउन तिर नलागेर देश विकासका लागि केही गर्नु पर्यो । सफलताको पछाडि नभाग्नुहोस ।

कुनै महत्त्वपूर्ण कामको लागि आफ्नो जिवन समर्पित गरिदिनुहोस । सफलता आफैं तपाईंको पाँऊ चुम्ने छ । सबै नागरिक इमान्दारीपूर्वक आफ्नो जिम्मेवारी पूरा गर्नुस् । सेवा निस्वार्थ भावनाले सफल हुन्छ । किनकी जहाँ स्वार्थ हुन्छ त्यहाँ सेवा हुँदैन र जहाँ सेवा हुन्छ त्यहाँ स्वार्थ हुदैन । आऔं सबैजना मिलेर सुन्दर शान्त देश बनाऔं ।

ईन्द्रजीत गोईत, नेविसंघका विद्यार्थी नेता हुन् ।

पूरा पढ्नुहोस्