'जनकनन्दिनीको प्रशासनिक भवन सीला लेखमा पूर्व जनप्रतिनीधि तथा कर्मचारीहरुको नाम राख्नुपर्छ'

न्यूज ब्यूरो, जनकपुरधाम । जनकनन्दिनी गाउँपालिकाको नयाँ प्रशासनिक भवनमा पूर्व जनप्रतिनीधि तथा कर्मचारीहरुको नाम नराखेको भन्दै पूर्व गाउँपालिका अध्यक्ष स्वः अब्दुल बारिक शेखका स्वकीय सचिव दाबी गर्ने मनोज कुमार यादवले खेद प्रकट गरेका छन् ।

पुरानो जनप्रतिनीधि तथा कर्मचारीहरुकै पालामा भवनको शिलान्यास गरि बजेट समेत दिएर भवन निर्माण भएको भन्दै उनले भवनको सीला लेखमा उनीहरुको नाम समावेश गर्नुपर्ने माग राखेका छन् । वर्तमान जनप्रतिनीधिहरुले भवनको उदघाटन गरेको बताउँदै पुराना जनप्रतिनीधि तथा कर्मचारीहरुको नाम समावेश गर्न अनुरोध गरेका छन् ।

आफू पूर्व गाउँपालिका अध्यक्षको स्वकीय सचिव रहेको तथा के.एस.एच.एस. उच्च मावि विद्यालयका लेखापाल समेत रहेका यादवले नयाँ प्रशासनिक भवनको सीलालेखमा पूर्व गाउँपालिका अध्यक्षसहित अन्य पुराना जनप्रतिनीधिक तथा कर्मचारीहरुको नाम राख्न भनेका छन् । उनले एक प्रेस विज्ञप्ति जारी गर्दै सीलालेखमा पूर्व जनप्रतिनीधि तथा कर्मचारीहरुको नाम राख्न भनेका हुन् ।