नामुद तस्कर "जयकुमार यादव" को समूहले प्रहरीचौकी लुटे , चौकी तोडफोड सहित हातपात !

न्यूज ब्यूरो |
जनकपुरधाम, २५ जेठ । धनुषाको विभिन्न नाकामा नामुद तस्करको रुपमा परिचित तस्कर जयकुमार यादवको समूहले प्रहरी चौकी लुटेका छन् ।

धनुषाको मुखियापट्टि मुसहर्निया गाउँपालिका–५ बहेडा बेलामा रहेको प्रहरी चौकी तस्करहरुको समूहबाट लुटिएका छन् ।

तस्करबाट बरामद गरिएको तस्करीका समानहरु प्रहरीले नियन्त्रणमा लिएको थियो भने प्रहरीचौकीबाट तस्कार यादवले आफ्ना मान्छे परिचालन गरी चौकीमा तोडफोड गर्दै तस्करीका ती समानहरु लुटेर लगेका छन् ।

तस्करीको सामान फिर्ता लैजान आएको तस्करको समूहले प्रहरी चौकीमा तोडफोड गर्दै प्रहरीमाथि हातपात समेत गरेको छ ।

जिल्ला प्रहरी कार्यालय धनुषाबाट खटिएका ‘क्राइम ब्रान्च’को टोलीले स्थानीय बहेडाबेला प्रहरी चौकीका प्रहरीको सहयोगमा भारतबाट अवैध रुपमा तस्करी गरी ल्याएका सामान बरामद गरेको थियो ।

यो भिडियोमा तस्कर जयकुमार यादव

भिडियो केही महिना अघि २०७४ माघ २२ गतेको हो । भन्सार छली गरी तस्करी गर्दै समान भित्राउँदै गर्दा गरेको तस्विर लिन गएका पत्रकार तथा भन्सामा खटिएका शसस्त्र प्रहरीलाई तस्कर जयकुमार यादवले आफ्ना समूह बोलाई हमला गरेको दृश्य ।

जटही नाका सहित अन्य नाकाबाट तस्कर यादवले अड्डा जमाएर बसेका छन् भने भन्सार कर्मचारी, प्रहरी प्रशासनकै मिलोमत्तोमा करोडौँको अबैद्य समानहरु तस्करी गर्दै नेपाल भित्रयाउँदै आएका छन् ।

केही महिना अगाडी करौडौँ मूल्य बराबरको समान भारतबाट ल्याई तस्कार यादवले भन्सार छली गर्दै ट्रक पार गर्न खोज्दा भन्सार नाकामा खटिएका शसस्त्र प्रहरी र तस्कर यादवको समूहबीच झडप समेत भएको थियो ।

तस्कर यादवले स्थानीय महिला तस्कर, विचौलियाहरुलाई उचालेर प्रहरी चौकी लुटाएका हुन् । लुटपाटको क्रममा प्रहरी चौकीको साईन बोर्ड तोडफोड सहित जिन्सी समानहरुमा समेत तोडफोड गरिएको छ ।

वडा कार्यालयमा राखिएको एम्बुलेन्स समेत क्षति पुगेको प्रहरी चौकी बहेडा बेलाका इन्चार्ज प्रहरी सहायक निरीक्षक (असई) पवनकान्त मिश्रले बताए ।

तस्कर जयकुमार यादवको घरमा अवैध तस्करीका सामान लुकाएर राखेको सूचनाको आधारमा उसको घरमा खानतलासी गर्दा सामान नपाइएपछि पनि स्थानीय माधुरी मुखिया र बली मुखियाको घरबाट ती तस्करी गरी अवैध रुपमा भित्र्याइएका सामानहरू नियन्त्रणमा लिइएको थियो ।

त्यतिबेला जिल्लाबाट खटिएका ‘क्राइम ब्रान्च’ का २ जना र स्थानीय चौकीका २ जना गरी ४ जना प्रहरी मात्रले सामान नियन्त्रणमा लिएका थिए ।

त्यस लगत्तै तस्कर जयकुमार यादवले गाउँका करिब २ सय जना जति महिलालाई ल्याएर प्रहरी उपर धावा बोलेको थियो ।

"प्रहरीमाथि हातपात गर्नुका साथै पोशाक समेत च्यात्ने काम भयो । बरामद गरिएको अवैध सामान लुटेर लगे । त्यतिबेला हामीले बल प्रयोग पनि गर्न सक्थ्यौं । तर, मानवीय क्षति हुन सक्थ्यो, हामीले जिल्लामा खबर गरेर थप टोली झिकायौं ।’ स्थानीयको भीडले प्रहरी चौकीलाई घेरा हाल्दै चौकीको पूरै टीममाथि हातपात गरेर प्रहरीविरुद्ध नाराबाजी समेत गरियो ।" असई मिश्रले भने ।

जिल्लाबाट प्रहरी निरीक्षक रामकिशोर साह नेतृत्वको ३० जना सुरक्षाकर्मीको टोलीले समेत भीड नियन्त्रण गर्न नसकेपछि एसपी गोविन्द थपलियालाई घटनास्थलमा बोलाइएको थियो ।

तर, स्थिति नियन्त्रणमा आएपछि एसपी थपलिया बाटोबाटै फर्किएका थिए ।

यता, जिल्ला प्रहरी कार्यालय धनुषाका एसपी गोविन्द थपलियाले घटनाबारे प्रतिवेदन तयार गर्न निर्देशन दिएका छन् ।

अभियुक्तमाथि प्रतिवेदनको आधारमा प्रहरीमाथि हातपात, सरकारी सम्पत्ति तोडफोड, एम्बुलेन्स तोडफोड लगायतको मुद्दा बताइएको छ ।

एसपी थपलियाले घटनामा सँलग्नलाई कानुन बमोजिम कारवाही गरेरै छाड्ने दाबी गरेका छन् ।