धनौजी गाउँपालिकाले हटाएको स्वास्थ्य शाखा प्रमुख मण्डललाई अदालत गरे स्थापित

न्यूज ब्यूरो, जनकपुरधाम । धनुषाको धनौजी गाउँपालिकाबाट स्वास्थ्य शाखा प्रमुखबाट हटाईएका कर्मचारी गौरीशँकर मण्डललाई अदालत पुनः स्थापित गर्न अन्तरिम आदेश दिएको छ ।

मण्डललाई स्वास्थ्य शाखा प्रमुखबाट हटाएर उमेर साहलाई स्वास्थ्य शाखा प्रमुख बनाएपछि मण्डलले उच्च अदालत जनकपुरमा रिट दायर गरेका थिए ।

गत वि.सं. २०८० साल मँसिर २१ गतेको निर्णयबाट सातौँ तहका कर्मचारी गौरीशँकर मण्डललाई हटाएर छैठौँ तहका कर्मचारीलाई स्वास्थ्य शाखा प्रमुख बनाएपछि मण्डलले अदालत गुहारेका थिए ।

गाउँकार्यपालिकाको मँसिर २१ गतेको निर्णय अनुसार उनलाई सो पदबाट हटाएर स्वास्थ्यचौकी पठाएकोमा मण्डलले आफ्नो तह अनुसार पद पाउनुपर्ने भन्दै रिट दायर गरेका थिए । उच्च अदालत जनकपुरले धनोजी गाउँपालिकाको नाममा आदेश जारी गर्दै मण्डललाई स्वास्थ्य शाखा प्रमुखको जिम्मेवारीमै कामकाज गर्न दिने भनेको हो ।

माघ १४ गतेको चलानी नम्बर ११६० को रिटको अन्तिम टुँगो नलागेसम्म गौरी शँकर मण्डललाई धनौजी गाउँपालिकाको स्वास्थ्य शाखा प्रमुखको रुपमा कामकाज गर्न दिने अन्तरिम आदेश दिएको हो ।

गौरीशँकर मण्डलले नियम विपरित कार्य नगरिदिँदा उनलाई धनौजी गाउँपालिकाका अध्यक्ष, उपाध्यक्ष र वडाध्यक्षहरुले कार्यपालिकाबाटै निर्णय गरी पदबाट हटाएको आरोप छ ।