जनकपुरमा प्रहरीले युवकलाई नियन्त्रणमा लिएर क्रुरतापूवर्क कुटे, काठमान्डौँ रिफर

न्यूज ब्यूरो, जनकपुरधाम । जनकपुरमा भ्यालेन्टाईन डे मनाउन गएकी एकै किशोरीमाथि दुई युवकले प्रेम दाबी गरेपछि ग्याँग फाईट भएको छ ।

सरस्वति पूजाकै दिन परेको पश्चिमी सँस्कृति भ्यालेन्टाइन डे मनाउन गएकी किशोरीमाथि दुई युवकले आफ्नो गर्लफ्रेण्ड दाबी गरेपछि दुई युवकपक्षबीच झगडा हुँदा एक युवक गम्भिर घाईते भएका छन् ।

झगडाको क्रममा धनुषा प्रहरीले धनुषाको कमला नगरपालिका वडा नं. ३ लगमा बस्ने श्रीनारायण टरैत (यादव) को छोरा दिपेश कुमार यादवलाई प्रहरीले समातेर अमानवीय तवरले कुटपिट गर्दा गम्भिर घाईते भएका आरोप परिवारजनले लगाएको छ ।

भ्यालेन्टाइन डे मनाउन गएको बेला किशोरीमाथि प्रेमको लागि दुवै युवकले दाबी गरेपछि झगडा भएको बताईएको छ । अर्का एक युवकले ति किशोरीलाई दुरव्यवहार गरेको र आफू बचाएको भन्दै प्रहरीलाई बोलाएर पक्राउ गर्न लगाएका थिए । धनुषा प्रहरीको टोलीले दिपेशलाई पक्राउ गरी नियन्त्रणमा लियो । नियन्त्रणमा लिएर दिपेशमाथि क्रुरता पूर्वक कुटपिट गरेको पाईएको छ ।

दिपेशलाई धनुषा प्रहरीका एक सईले नियन्त्रणमा लिएर टाउको, छाती, पिठयु, खुट्टा र पैतालामा पाईपले हान्दा उनलाई अपाँग झै बनाईदिएको हो । प्रहरीले हिरासतमा लिएर अमानवीय तवरले कुटपिट गरेको भन्दै परिवारजनले मानव अधिकार आयोगलाई गुहार्ने बताएको छ ।

नियन्त्रणमा लिसकेपछि थुनुवालाई कुटपिट गर्न नहुने प्रावधान रहेपनि यादवलाई नियन्त्रणमा लिएर अमानवीय एवम् क्रुरतापूर्वक कुटपिट गरेको बताईएको छ । कुटपिटले गर्दा उनको शरिरभरि निलडाम देखिएको छ । थप उपचारको लागि उनलाई काठमान्डौँ रिफर गरिएको हो ।

जनकपुरको मोडेल कलेजमा अध्ययनरत दिपेशलाई प्रहरीले नियन्त्रणमा लिएर निर्घात कुटपिट गरेको बताईएको छ । प्रहरीका सईले यादवलाई नियन्त्रणमा लिएर राजनीतिक दबाबको कारण अमानवीय तवरले कुटपिट गरेको बताईएको छ ।

यता, परिवारजनले दिपेशको स्वास्थ्य अवस्था जटिल बन्दै गएको भन्दै प्रहरी सईमाथि कारवाहीको माग गरेका छन् । प्रहरी सईले भने आफैँ ग्याँग फाईट गरेर झै झगडा गर्दा कुटाई खाएको दाबी गरे ।