एनजिओ माफिया गुप्ताको चँगुलमा सरकारी बजेट, कागजमै सकाउँदै लाखौँ बजेट

न्यूज ब्यूरो, वीरगँज । पर्साको बिन्दबासिनी गाउँपालिका वडा नम्बर ४ झौवा निवासी ओम प्रकाश गुप्ताले आधा दर्जन भन्दा बढी गैर सरकारी संस्था र कम्पनीहरु दर्ता गराई समाजिक विकासको कार्यक्रममा अनियमिता गरिरहेपनि सम्बन्धित निकायको ध्यान पुग्न सकेको छैन् ।

गुप्ताले आफु र आफ्नो आफन्तहरुको नाम संस्थाहरु दर्ता गरि पर्साका विभिन्न पालिकामा समाजिक विकासको कार्यक्रम र सिपमुलक तालिमहरु मापदण्ड विपरित संचालन गरिरहेपनि सम्बन्धित निकायको ध्यान पुग्न नसकेको हो ।

समाचार स्रोतका अनुसार विभिन्न पालिका जनप्रतिनिधि र कर्मचारीहरुलाई कमिशनको प्रभावमा पारि उनको समाजिक विकास र सिपमुलक तालिमहरु संचालन गर्ने गरेका छन् । उनले कार्यक्रम संचालनको लागि आफ्नै तीन वटा संस्था वा कम्पनीहरु कोटेशनको लागि पेश गर्ने गरेका छन् ।

उनले आफै तीन वटा संस्थाको प्राविधिक तथा आर्थिक प्रस्तावना तयार गरि कार्यक्रम हात पार्ने गरेका छन् । प्रस्तावना स्वीकृत गर्ने कर्मचारीलाई उनले मोटो रकम कमिशन दिएका कारण उनले पेश गरेको प्रस्तावना चेकजांच विना नै उनले भने अनुसार नै स्वीकृत गरिदिने गरेका छन् । जस कारण कम लगानीमा संचालन हुन सक्ने कार्यक्रममा सरकारको ठुलो लगानी खर्च हुने गरेको छ ।

अर्को तर्फ उनले पेश गरेको प्रस्ताव अनुसार समेत कार्यक्रम संचालन नगरेको तथ्य र प्रमाणहरु फेला परेका छन् ।

उनले भख्रर केही दिन पहिला मात्र पोखरिया नगरपालिकामा संचालन गरेका डल कुशन तालिम र मेहदी बनाउने तालिमको ब्यानर समेत संचालन र समाप्ति मिति थिएन ।

पोखरिया नगरपालिकाको सहयोग र बौद्धिमाई डेभलपमेन्ट स्किल सेन्टर बिन्दवासिनिको आयोजनामा संचालित डल कुशन तालिम र माँ बिन्दवासिनी डेभलपमेन्ट एण्ड सिप प्रालि सेन्टर बिन्दवासिनी ४ को आयोजनामा संचालित मेहदी बनाउने सम्बन्धित तालिमको ब्यानरमा मिति समेत नलेखिएको तालिम सम्पन्न भएको हो ।

मिति नै नभएको ब्यानरको अगाडी उभेर पोखरिया नगरपालिकामा मेयर प्रधुम चौहानले तालिमको उद्घाटन गर्नुले गुप्ताले गर्ने अनियमितामा उनको पनि साथ रहेको देखिन्छ । जुन सुकै कार्यक्रम संचालन गर्दा ब्यानर कार्यक्रम संचालनको मिति अनिवार्य राख्नु पर्ने प्रावधान रहेपनि त्यसको समेत पुरा गरिएको छैन ।

यसले तालिम कति दिनको हो ? कहिले संचालन भयो र कहिले सम्पन्न हुने हो भने अन्यौल सृजना गरेको छ । यसले समाचार स्रोतले भने अनुसार गुप्ताले संचालन गर्ने कार्यक्रमको तस्बिर लिएर मात्र कार्यक्रम सकाउने गरेको तथ्य प्रमाणित गर्दछ ।

अर्को तर्फ उनको प्रस्तावना स्वीकृत गर्ने पोखरिया नगरपालिकाको निमित प्रमुख प्रशासकिय अधिकृत अजय श्रीवास्तवको सलंगनता समेत प्रमाणित गर्दछ । तालिम संचालनको लागि आर्थिक सहयोग गरेको नगरपालिकाका प्रमुख प्रशासकिय अधिकृत श्रीवास्तव र समाजिक विकास शाखाबाट कार्यक्रमको अनुगमन समेत नहुनु र मिति विनाको ब्यानारमा तालिम संचालन हुनुले उनको सलंग्नता समेत प्रमाणित गरेको जानकारहरु बताउँछन् ।

अर्को तर्फ यो कार्यक्रम संचालनको उनले पेश गरेको अनुसारको बिल भुक्तानी भइसकेको भए नगरपालिकाका लेखापाल मन्दिप महतो सलंग्नता समेत देखिने जानकारहरु बताउँछन् ।

हुन त उनले यस अघि संचालन गरेको कार्यक्रमको सम्बन्धमा अख्तियार दुरुपयोग अनुसन्धान आयोग समेत उजरी परिसकेको छ । अख्तियारले गरेको छानविनको क्रममा अनुसन्धानको लागि कार्यक्रमका सहभागिलाई समेत अख्तियारले झिकाएर अनुसन्धान गरेको वतान्छ । अब फेरी उनले पहिला जस्तै नै संचालन गर्ने गरेको कार्यक्रम बारे अख्तियार के गर्ला हेर्न बाकी नै छ ।