रौतहट आउँदै बलिवुड स्टार गोबिन्दा 

२०८० माघ २६ शुक्रबार
बेलुकी ५:३९ बजे
न्यूज ब्यूरो, डेस्क

न्यूज ब्यूरो, रौतहट । बलिवुडका चर्चित अभिनेता गोबिन्दा अहुजा मधेश प्रदेशको रौतहट आउने भएका छन् । 

प्रत्येक बर्ष रौतहटको मौलापुरमा आयोजन हुँदै आएको मधानी महायज्ञ महोत्सवमा सहभागी हुनको लागि गोबिन्दा रौतहटको मौलापुर आउन लागेको जानकारी उनले दिएका छन् । 

आगामी फागुन २५ गते आयोजना हुन लागेको मधानी महोत्सवमा गोबिन्दाले परफरमेन्स गर्ने कार्यक्रम रहेको उनले एक भिडियो सन्देश मार्फत दिएका छन् । 

विभिन्न धार्मिक तथा साँस्कृतिक उत्सवको अवसर पारेर नाचगान समेत आयोजना गरिरहने मौलापुर नगरपालिकाका प्रमुख प्रशासकीय अधिकृत रामबाबु साहका अनुसार बलिउड नायक गोविन्दा महायज्ञको उद्घाटनका दिन मौलापुरमा आउने भएका छन् ।

गत २०७६ सालदेखि मौलापुर नगरपालिकाले मधानी महायज्ञको आयोजना गर्दैआएको छ ।

यस वर्षको मधानी महायज्ञमा फागुन २६ गते कुस्ती प्रतियोगिता दंगल हुनेछ । जसमा ३५ जना कुस्तीबाज सहभागी हुनेछन् ।

मौलापुरको पुरातात्विक महत्वको महादेव मन्दिर देशभरिका धार्मिक पर्यटकका लागि गन्तव्य बन्दै आएको छ । महायज्ञमा नेपाल तथा भारतका चर्चित कलाकारको सांस्कृति प्रस्तुति रहने नगरप्रमुख रिना साहले बताइन् ।

यसअघि भोजपुरी सिने जगतका निरहुआ, खेसारीलाल लगायतका कलाकारहरु यज्ञमा आईसकेका छन् । 

  • 0%
  • 0%
  • 0%
  • 0%
  • 0%
  • 0%

'सोच परिवर्तन भए मात्र देशको विकास सम्भव छ'

  • २०८० माघ २६ शुक्रबार
  • ईन्द्रजीत गोईत

हाम्रो देशको अवस्था दिनप्रतीदिन नाजुक हुँदै गइरहेको छ । हाम्रो पहिचान समाप्त हुँदै गइरहेको छ । हाम्रो देशको विकास तब मात्र सम्भव छ जब यो देशको हरेक नागरिक आफ्नो जिम्मेवारी

पूरा पढ्नुहोस्

Bureau Menus