जनकपुरबाट छुटेको बस दाङगमा दुर्घटना, एकको मृत्यू , दर्जन घाईते !

न्यूज ब्यूरो |
जनकपुरधाम, २५ जेठ । जनकपुरबाट छुटेको बस दाङगमा दुर्घटना हुँदा एक जनाको मृत्यू भएको छ ।

जनकपुरबाट नेपालगञ्ज जाँदै गरेको बस दाङको भालुबाङ-लमही सडकखण्डमा दुर्घटना हुँदा एक बालिकाको मृत्यु भएको छ भने ११ जना गम्भीर घाइते छन् ।

जनकपुरबाट छुटेको ना ५ ख १८२९ नम्बरको बस राप्ती गाउँपालिका वडा नम्बर ५ पहरुवामा पुग्दा विहान करिब ६ बजे चालक निदाउँदा बस दुर्घटना भएको प्रहरीको अनुमान छ ।

बसमा ३३ जना सवार थिए । घाइतेमध्ये एक नाबालकसहित २७ जनालाई बाँकेको कोहलपुर पठाइएको छ । अन्य घाइतेहरुको लमही अस्पतालमा उपचार भैरहेको छ ।

पाँच महिला, तीन पुरुष, दुई बालिका र एक बालक गरी जम्मा ११ जनाको अवस्था गम्भीर रहेको लमही प्रहरीले जनाएको छ |

मृतकको सनाखत हुन सकेको छैन भने दुर्घटना बारे थप अनुसन्धान थालिएको छ ।