जनकपुरका व्यापारीहरुले भोली आधा दिन जनकपुर बजार बन्द गर्ने

न्यूज ब्यूरो, जनकपुरधाम । बिलबिजक बिना नै कारोवार गरेपछि पक्राउ परेका एक सुनचाँदी व्यावसायीको उर्दीपछि भोली जनकपुरका व्यापारीहरुले आधा दिन जनकपुर बजार बन्द गर्ने निर्णय गरेको हो ।

जनकपुरधामस्थि रहेको बलराम ज्वलर्सका सँचालक बलराम साहले बिना बिलबिजकको कारोवार देखिएपछि पक्राउ गरेको भन्दै प्रहरी विरुद्ध आधा दिन जनकपुरधामको बजार बन्द गर्ने भएको छ ।

सरकारी भाषामा गैर कानुनी कार्य गरेका बलराम ज्वलेर्सका सँचालक बलराम साहले प्रहरीले आफूलाई पक्राउ गरेको विरोधमा भोली आईतबार आधा दिन जनकपुर बजार बन्द गर्ने निर्णय गरेको हो ।

व्यापारीहरुलाई प्रहरीले दुःख दिएको भन्दै प्रहरीको विरोध स्वरुप आधा दिन जनकपुर बजार बन्द गर्ने भएको छ । यद्यपी, यसले जनकपुरका व्यापारीहरुलाई नै घाटा हुने भएपछि केही व्यापारीहरु विरोध समेत जनाउने भएको छ ।

बुधबार धनुषा प्रहरीले बिलबिजक बिना सुन कारोबार गरेको भन्दै बलराम साहसहित केही कालिगढलाई प्रहरीले पक्राउ गरी पथलैया बुझााएको थियो । त्यतिबेला कारोबार गैरकानुन देखिएको थियो ।

कालीगढ भनिएका सिरहा मिर्चेया दुई व्यापारीलाई राजस्व अनुसन्धान विभागको पथलैया कार्यालय पठाएको थियो । विभागको पथलैया कार्यालयले ती चारैलाई धरौटी लिई बिहीबार रिहा गरेको छ ।