विराटनगरमा राजेन्द्र महतोलाई बचाउने लामा रहेनन्

चन्दन रौनियार |
सुनसरी, २४ जेठ । राष्ट्रिय जनता पार्टी नेपालका सचिव तेञ्जि लामा छत्रपती को करेन्ट लागेर ज्यान गएको छ।

करेन्ट लागेर गम्भिर घाईते भएका लामाको उपचारका लागि धरान पुर्याउने बित्तिकै ज्यान गएको हो।

इटहरी वडा नं. २० स्थित घरमा नुहाउन गएका लामाको बिहिबार साँझ घरैमा बाथरुममा करेन्ट लागेर ज्यान गएको पारिवारिक श्रोतले जनाएको छ।

करेन्ट लागेर गम्भिर भएका लामाको धरानस्थित बिपिकोईराला स्वास्थ्य बिज्ञान प्रतिष्ठानमा ज्यान गएको प्रतिष्ठानमा कार्यरत प्रहरी नायव निरिक्षक तिलक गिरीले जानकारी दिनुभयो।

नेपाली कांग्रेसबाट राजनीतिमा प्रवेश गरेका लामा राजेन्द्र महतो नेतृत्वको सद्भावना पार्टी हुँदै हाल राजपा नेपालको केन्द्रिय सचिवको जिम्मेवारी सम्हालीरहनु भएको थियो।

संघीय संसदका लागि लामा राजपा नेपालको तर्फबाट समानुपातिक उम्मेद्वार हुनुहुन्थ्यो। मधेस आन्दोलनको बेला राजेन्द्र महतो उपर विराटनग नाकामा भएको साँघातिक आक्रमणबाट लामाले नै बचाएका थिए ।

लामाको श्रीमती र दुईजना नावालक सन्तान छन्।