सर्पले टोकेर वडाअध्यक्षको ज्यान गयो

चन्दन रौनियार |
मोरङ, २४ जेठ । मोरङको धनपालथान गाउँपालिका वडा नं. २ का वडाअध्यक्षको सर्पले टोकेर मृत्यु भएको छ ।

नेपाल सरकारले खुल्ला दिसामुक्त घोषणा अभियानलाई तिब्रता का साथ अगाडि बडिरहेको बेला बडा अध्यक्ष वलिराम भगतको सर्पले टोकेर मृत्यु भएको छ ।

प्रहरीका अनुसार भगत बुधबार बेलुकी सम्पुर्ण काम सकेर राति १० बजे घरतिर गएका थिए ।
उनी घर मा शौचालय भएता पनि अत्यधिक गर्मीका कारण खुल्ला ठाउँमा शौचालय गएको समयमा उनलाई केहिले टोकेको जस्तो अनुभव भएको र उनले बेवास्ता गरेपछि केही समय पछि उनलाई शरिरमा समस्या आए पछि स्थानीय धामीझाँक्रीको गएको र झाँक्रीले उसलाई जहर रहेको जानकारी गराएका थिए ।

उनका परिवारले राति नै कोशि अस्पतालमा लगेर उपचारका लागि लगेको र त्यहाँ उपचार सम्भव नभएपछि थप उपचार का लागि पुनः नोवेल अस्पतालमा उपचार गराउन लगेका थिए।

राति १ बजे उपचारका क्रममा निजको मृत्यु भएको ईलाका प्रहरी कार्यलय रंगेलीका प्रहरी निरिक्षक कबिन्द्र कार्की ले बताए ।

वडाध्यक्षको मृत्यू भएपछि त्यस वडाको वडाध्यक्ष पदरिक्त भएको छ भने कामकाज समेत प्रभावित भएको छ ।