धनुषाको कनकपट्टिमा करेन्ट लागेर दुई दाजुभाईको घटनास्थलमै गयो ज्यान !

न्यूज ब्यूरो |
जनकपुरधाम, २१ जेठ । धनुषामा करेन्ट लागेर दुई दाजुभाईको ज्यान गएको छ ।

जनकपुर उपमहानगरपालिका वडा नं. १७ कनकपट्टि बस्ने बौका साहको दुई छोरोको आफ्नै घरमा विजुली समाग्री रिपेरिँग गरिरहेको बेला करेन्ट लागेर ज्यान गएको हो ।

ज्यान जानेमा साहको बर्ष २६ का छोरा सुरेन्द्र साह र बर्ष २४ का वीरेन्द्र साह रहेको जनाइएको छ ।

दुवै दाजुभाई आफ्नै घरमा मेसिनरी समान रिपेरिँग गर्दै गर्दा अचानक करेन्ट लागेर तत्कालै घटनास्थलमै मृत्यू भएको जनाइएको छ ।

आज अपरान्ह करिब ५ बजेतिर घटना भएको स्थानीयहरुले जनाएको छ । यता, मृतक साहद्धयको शवलाई पोष्टमार्टमको लागि जनकपुर अञ्चल अस्पताल ल्याइएको जनाइएको छ ।