लक्ष्मीनारायण सहकारीले यस भेकका नागरिकलाई सधैँ साहारा दिएः अध्यक्ष यादव

न्यूज ब्यूरो, जनकपुरधाम । धनुषाको जनकनन्दिनी गाउँपालिकाका अध्यक्ष दिपिन देव यादवले सहकारी सँस्थाले यहाँका नागरिकलाई परेको बेला साहारा दिएको बताएका छन् ।

बुधबार २० औँ साधारणसभालाई सम्बोधन गर्दै अध्यक्ष यादवले ग्रामिण भेकमा लक्ष्मीनारयण बहुउदेश्यीय सहकारी सँस्थाको लगानी, सहयोग अपरिहार्य रहेको बताए ।

२०६० सालमै स्थापना भएको जनकनन्दिनी गाउँपालिका वडा नं. ४ खजुरीस्थित रहेको लक्ष्मीनारायण बहुउदेश्यीय सहकारी सँस्थाले यहाँका नागरिकलाई दुःख परेको बेला हर तबरबाट सहयोग गरेको सुनाए । उनले बचतकर्ताको विश्वासको सँस्थाको रुपमा स्थापित भई यहीका नागरिकको सेवाको लागि दिएको योग्दानको प्रशँसा गरे ।

सहकारीका अध्यक्ष रामेश्वर साहको अध्यक्षता तथा गाउँपालिका अध्यक्ष यादवको प्रमुख आतिथ्यमा सम्पन्न २० औँ साधारणसभाको क्रममा लक्ष्मीनारायण बहुउदेश्यीय सहकारी सँस्थाको नागरिकप्रतिको लगानीमाथि प्रकाश पारे ।

अध्यक्ष यादवले भने, –“दुई दशक पुरानो सहकारी सँस्थाप्रतिको बचतकर्ताहरुको विश्वास देखे, यसको यो सबुत छ की सहकारी मात्र एक सँस्था नभएर यहाँका नागरिक, जनताहरुको लागि एक अभिन्न अँगको रुपमा विकास गरिसकेको छ । ग्रामिण भेकमा यसरी विश्वास जमाएर राख्नु चानचुने कुरा पनि होईन् ।”

मिटरब्याजीको माहौल भएपछि अन्य सहकारी सँस्थाहरुप्रतिको विश्वास बचतकर्ताको रिस, मुद्धा मामिला भएपनि यस सँस्थामाथि सबैले विश्वास गर्नु यस सँस्थाको लागि एक सम्पत्ति भएको सुनाए ।

सोही क्रममा गाउँपालिकाकी उपाध्यक्ष कमला सहगलले स्थानीय स्तरमै बचतकर्ताहरुको लागि उत्तम विकल्पको रुपमा सहकारी स्थापित भएको बताईन् । उनले बर्षौदेखि आफू पनि यही सहकारी सँस्थामा बचत गर्दै आएको बताउँदै आफूले चाहेको बेला, दुःख परेको बेला ऋण समेत सहुलियत रुपमा उपलब्ध गराउनु साकारात्मक पक्ष रहेको बताईन् ।

गाउँपालिका अध्यक्ष यादव र उपाध्यक्ष सहगलले सँयुक्त रुपमा २० औँ साधारणसभाको उदघाटन गरे ।

साधारणसभाबाट १ करोड ९८ लाख २३ हजार ९०३ रुपैँयाको बचत गरेको उल्लेख गरिएको छ । ९०९ जम्मा सदस्य सँख्या रहेको यस सहकारीमा जम्मा शेयर पुँजी ११ लाख ६१ हजार ९०० रुपैयाँ रहेको प्रतिवेदन प्रस्तुत गरिएको थियो । बचत निक्षेपन तर्फ १ करोड ६ हजार ३८० रुपैयाँ भएको बताईएको छ ।

यस्तै, गत आर्थिक बर्षसम्मको आय २३ लाख ८२ हजार १६० रुपैयाँ र खर्च ११ लाख ३१ हजार १३७ रुपैयाँ प्रस्तुत गर्दा आम्दानी तर्फ १२ लाख ५१ हजार २३ रुपैयाँ प्रस्तुत गरिएको सहकारीका सुनिल कुमार पासवानले जानकारी दिए ।

कार्यक्रमको लागि गाउँपालिकाकी पूर्व उपाध्यक्ष भारती कार्की सहगल, वडा नं. ४ का वडाध्यक्ष दिलिप यादवसहित सहकारीका बचतकर्ता, पदाधिकारी, सदस्य, समाजसेवी, अगुवाहरुको समेत उपस्थिति रहेको थियो ।