मिर्चैयामा एक महिलाद्वारा झुन्डिएर आत्महत्या

बिनय यादव/न्यूज ब्यूरो, सिरहा, २१ जेठ । सिरहामा एक महिलाले झुन्डिएर आत्महत्या गरेकी छन् । सिरहाको मिर्चैया नपा ५ साझा चौकमा रमेश साहकी ४० वर्षीया श्रीमती रेखा देवी साहले सोमबार करिब साढे ११ बजे आफ्नै घरको छानोमा पासो लगाई आत्महत्या गरेकी हुन् ।

आत्महत्याको कारण खुल्न नसकेको र यस सम्बन्धमा थप अनुसन्धान भइरहेको ईलाका प्रहरी कार्यालय मिर्चैयाका डिएसपी दिपक कुमार खड्काले जानकारी दिए । घटनापछि शवलाई पोष्टमार्टमको लागि लहान लगिएको छ ।

पासो लगाई आत्महत्या गरेकी साहको श्रीमान हाल वैदेशिक रोजगारमा रहेको छ । उनको जम्मा ३ जना बालबच्चा रहेका छन् ।