कमला नगरपालिकाले पुस १५ गते नगरसभा गर्ने

न्यूज ब्यूरो, जनकपुरधाम । पूर्वी धनुषाको कमला नगरपालिकाले पुस १५ गते नगरसभा गर्ने सहमति जुटाएको छ ।

यसअघि जनप्रतिनीधिहरुको आन्तरिक किचलो र दलगत मोहले हुन नसकेको नगरसभा आउँदो १५ गते आईतबार हुने तय भएको हो ।

नगर प्रमुख विशेश्वर यादवले शुक्रबार एक सूचना जारी गर्दै आउँदो पुस १५ गते आईतबार नगरसभाको लागि मिति तय गरेको हो ।

विभिन्न वडाका वडाध्यक्ष, मेयर, उपमेयर र कार्यपालिका सदस्यहरुबीच वडास्तरीय बजेट बाँडफाँड (सिलिँग), गत आर्थिक बर्षको हिसाबकिताब प्रस्तुति, प्रष्ट योजनाहरुमाथि सहमति हुन नसक्दा रोकिएको नगरसभाको मिति तय गरिएको हो ।

यसको लागि भोली शनिबार जनप्रतिनीधि र कर्मचारीहरुबीच बैठक बसेर वडास्तरीय बजेटको सिलिँग समेत निर्धारण हुने नगर प्रमुख विशेश्वर यादवले जानकारी दिए ।

मधेश प्रदेशमा कमला नगरपालिका र औरही गाउँपालिका धनुषाले मात्र बजेट पेश गर्न सकेको छैनन् ।