जनकपुरमा 'मिथिला सिरिज' को नयाँ अडियो/भिडियो स्टुडियो सँचालन

न्यूज ब्यूरो, जनकपुरधाम । अडियो र भिडियो क्षेत्रमा महत्वपूर्ण भूमिका निर्वाह गर्दै आएको जनकपुरस्थित मिथिला सिरिज स्टुडियोले पाँचौ वार्षिकोत्सव मनाएको छ ।

पाँचौ वार्षिाकोत्सवको अवसरमा नयाँ शैलीको सुविधासम्पन्न नयाँ स्टुडियो समेत सँचालनमा ल्याईएको छ । जनकपुरधामको रामानन्दचोकस्थित रहेको रामजानकी सिनेमा हलको सामुन्ने मिथिलाञ्चल एफ.एम. को बिल्डीँगमा स्टुडियो सँचालनमा आएको हो ।

यसअघि जनकपुरको मुरलीचोकस्थित सँचालनमा रहँदै आएको स्टुडियो पाँचौ वार्षिकोत्सवको अवसरमा थप सुविधाहरु थपेर गुणस्तरीय सेवाको लागि सँचालन गरिएको सँचालक सँजय कुश्वाहाले जानकारी दिए ।

रेडियोप्रेमी एवम् साहित्यकार धीरेन्द्र झा, जनकपुरधाम उपमहानगरका मेयर मनोज साहको विशेष उपस्थितिमा पाँचौ वार्षिकोत्सवसहित नयाँ स्टुडियो सँचालनमा ल्याएको हो ।

अडियो वा भिडियो सम्बन्धी कार्य, एल्बम निर्माण, गीत सँगीत रेकर्डिँग, पिएसए निर्माण लगायतका मिडिया सम्बन्धी कार्य समेत एकै ठाउँमा हुने सँचालक कुशवाहाले जनाए ।

उदघाटको लागि दिग्गज कलाकार, जनप्रतिनीधि, पत्रकारहरुको सक्रिय उपस्थिति रहेको थियो ।