महोत्तरीमा गेरुका नदीमा डुबेर एक वालकको मृत्यू

कोमल कर्ण |
महोत्तरी, २० जेठ । महोत्तरीमा नदीमा डुबेर एक बालकको ज्यान गएको छ ।

गेरुका मेलामा नुहाउँदै गरेको अबस्थामा डुबेर एक किशोरको मृत्यू भएको हो ।

महोत्तरीको एकडारा गाउँपालिका वडा नं ६ र महोत्तरी गाउँपालिका वाडा नं ३ को बीचमा रहेको चार नदिको संगम स्थलमापहिलो पटक लगाईएको उक्त मेलामा गेरुका स्नान गर्ने क्रममा डुबेको हो ।

मृतक किशोर भारत बिहारको दुर्गापट्टि घर भएको सुनील मिश्रको १५ बर्षिय छोरा लबकुमार मिश्र रहेको महोत्तरी गाउँपालिकाका सई टंक ठकुरीले बताएका छन् ।

उक्त मेलामा नुहाउने क्रममा अचानक नदिमा हामफाल्दा बाढिकै समय नदिभित्रै बनाइएको खाल्टोमा लड्दा मृत्यूझैं अबस्था भएको प्रत्यक्षदर्शीहरु बताएका छन् ।

गम्भिर घाईते हुन पुगेका मिश्रलाई उपचारको लागी जिल्ला अस्पताल महोत्तरी पठाएपछि अस्पतालले झालाई मृत घोषणा गरेको जिल्ला प्रहरी कार्यालय महोत्तरीले जनाएको छ ।

मृतक किशोर सानैदेखि नै आफनो मामा गाउँ हाल महोत्तरी गाउँपालिका वडा नं ३ मडैंमा बस्दै आएका थिए ।

तिन सालको अन्तरालमा पर्दैै गरेको पुरुषोत्तम मासमा लाग्ने गेरुका मेलामा प्रत्येक आईतबार र मंगलबार नुहाउनेहरुको घुईँचो लागेका हुन्छन् ।

गेरुका स्नान गर्दा कतिऔँ रोगहरु निको हुने जनविश्वास रहिआएको छ ।