नेपाल राष्ट्रिय स्वास्थ्यकर्मी संगठनको प्रदेश सँयोजकमा मण्डल

न्यूज ब्यूरो |
जनकपुरधाम, १९ जेठ । प्रदेश नं. २ को लागि नेपाल राष्ट्रिय स्वास्थ्यकर्मी सँगठनको सँयोजकमा स्वास्थ्यकर्मी छेवी मण्डललाई चयन गरिएको छ । 

 

शनिबार धनुषाको ढल्केबरमा बसेको निजामति तथा स्वास्थ्यकर्मीहरुको भेलाबाट मण्डललाई प्रदेश सँयोजकमा सर्वसहमतिले चयन गरिएको हो । 

 

संगठनका केन्द्रीय उपाध्यक्ष एवम् प्रदेश नं. २ का ईन्चार्ज नागेन्द्र कुशवाहाको अध्यक्षता एवम् नेपाल राष्ट्रिय कर्मचारी महासंघको केन्द्रीय संयोजक दयाराम बस्यालको प्रमुख आतिथ्यमा सम्पन्न उक्त भेलाबाट मण्डललाई प्रदेश सँयोजकको लागि चयन गरिएको हो ।

 

 

यस्तै, बैठकबाट कुशवाहालाई प्रदेश ईन्चार्ज राखिएको छ भने सदस्यहरुमा राम कुमार ठाकुर, प्रमोद साह, कैलास प्रसाद साह, राम बाबु कुशवाहा, राजकिशोर महतो, भारती कर्ण, सुनिता देवकोटा, अम्बिका कंडेल, मीना गिरी लगायत २५ सदस्यीय समिति गठन गरिएको हो । 

 

बैठकमा विश्व टेड युनियन महासँघ आर्थिक विभाग सदस्य एवम् नेपाल राष्ट्रियकर्मी महासँघका सल्लाहकार सँयोजक मोहनमान स्वारको विशेष आतिथ्यमा उक्त विशेष बैठक डाकिएको थियो । 

 

कार्यक्रममा संगठनका सचिव दिनेश श्रेष्ठ, स्थायी समिति सदस्य भागिरथ बानियाँ, अतिथिमा चित्रजंग शाहीको विशेष उपस्थित रहेको थियो ।