एसईई (SEE) को रिजल्ट असारको पहिलो हप्तामा

न्यूज ब्यूरो |
जनकपुरधाम, १८ जेठ । गत वर्ष लिइएको एसईई (Secondary Education Examination) परीक्षाको रिजल्ट (नतिजा) असारको पहिलो सातामै आउने प्रबल सम्भावना रहेको बताईएको छ ।

नेपालमा विद्यार्थीहरुको फलामे गेट मानिएको एसईई परीक्षा गत वर्ष २०७४ चैत्तमा लिइएको परीक्षाको परीक्षाफल २०७५ असार महिनाको पहिलो हप्तामै प्रकाशित गर्ने तयारीमा जुटेकोे बताइएको छ ।

परीक्षा नियन्त्रण कार्यालयका उपनियन्त्रक रामराज खकुरलले शुक्रबार न्यूज ब्यूरोसँग कुराकानी गर्दै गत वर्ष लिइएको एसईईको परीक्षाफल असारको पहिलो हप्ता अर्थात असार ७ गतेसम्म प्रकाशित गर्ने तयारी भईरहेको बताउनुभयो ।

एसईई परीक्षाको परीक्षाफल आउँदो असारको पहिलो हप्ता असार ७ गतेसम्म प्रकाशित गरिहाल्ने हाम्रो तयारी छ । तर, सिस्टम समस्या र प्राविधिक समस्या देखिए दोस्रो हप्ताभित्रै प्रकाशित गर्ने लक्ष्य छ । कम्तिमा असार ७ गतेसम्म र बढीमा १५ गतेभित्र परीक्षाफल प्रकाशित गरिने तयारी छ । उहाँले भन्नुभयो ।

यसपालीको एईई परीक्षा जनकपुर लगायत देशैभरि मयार्दित रुपमा सम्पन्न भएको थियो ।

देशभरिबाट ४ लाख ८५ हजार बढी परीक्षार्थी परीक्षामा सामेल भएका थिए ।