डिप्लोमा ईन्जियरिँग जनमत सँघको ३०० सदस्यीय समिति गठन, सहसँयोजकमा मोरबैता

न्यूज ब्यूरो, जनकपुरधाम । जनमत पार्टी निकट डिप्लोमा इन्जिनियर जनमत संघको ३०० सदस्यीय समिति गठन भएको छ ।

विहिबार जनकपुरमा भएको भेलाले डिप्लोमा इन्जिनियरिँग जनमत संघले समिति गठन गरेको हो । जनमत पार्टीका मुकेश मैरताको अध्यक्षता तथा मधेश प्रदेशका पूर्व कृषिमन्त्री एवम् जनमत पार्टीका राष्ट्रिय उपाध्यक्ष ई. बसन्त कुशवाहाको प्रमुख आतिथ्यमा भएको बैठकबाट सो समिति गठन गरिएको हो ।

समितिको सँयोजकमा सप्तरीका मुकेश मैरतालाई चयन गरिएको छ । यस्तै सह सँयोजकमा श्याम सुन्दर साह जिज्ञासु, विवेक कुमार मोरबैता र चन्दन कुमार शरणलाई चयन गरिएको हो ।

यस्तै नयाँ समितिको महासचिवमा राम ईश्वर यादव, उप महासचिवमा रामबाबु मण्डल, सचिवमा ओम राउतलाई चयन गरिएको हो । समितिको सह सचिवमा छोटेलाल साह, उषा मण्डल, शिव बालक कुमार यादव र किशानन्द पटेललाई चयन गरिएको हो । समितिको कोषाध्यक्षमा प्रमोद ईषर हर्षलाई चयन गरिएको हो ।