जनकपुरमा आयूर्वेद अस्पताल सँचालनमा

न्यूज ब्यूरो, जनकपुरधाम । मधेश प्रदेशको राजधानी जनकपुरधामस्थित आयूर्वेद अस्पताल सँचालनमा आएको छ ।

जनकपुरधाम उपमहानगरपालिका वडा नं. ७ भ्रमरपुराचोक पेठिया बजार रोडस्थित शँकर जनसेवा आयूर्वेदिक अस्पताल सँचालनमा आएको हो ।

जनकपुरमा पहिलो पटक आयूर्वेदिक अस्पताल सँचालनमा ल्याएको अस्पतालका सँचालक डा. धीरेन्द्र महतोले दाबी गरे । उनले अँग्रेजी औषधी उपचारभन्दा आयूर्वेदिक उपचार बलियो हुनेमा विश्वास जनाए ।

आईतबार अस्पतालको उदघाटन गर्दै डा. महतोले अस्पतालमा बबासिर, भकन्दर, फीशर अप्रेशसनको विकल्प क्षारसुत्र विधिद्धारा उपचार, छाला रोगको लीच थेरापी (जुका, जोँक) को साथै पारालाईसिस, पत्थरी, मधुमेह, थाईराइड, बाथरोग, ग्यास्ट्रिक, यौन दुर्बलता, श्रिघ पतन, महिनबारी गडबडी, बाँझोपन, सेतो पानी बग्ने जस्ता रोगको उपचार पूर्णतः आयूर्वेदिक पद्धतीबाट गरिने बताए ।

डा. महतोले अस्पतालमा पँचकर्म विधिको सुविधा समेत सँचालनमा ल्याएको बताए ।

उनले भने,–“आचार्य सुश्रुतका अनुसार शरीरमा लागने रोग हजारौ छन् तर महाशो जम्मा ८ मात्र छन् । जसमध्य बबासिर र भगन्दर पनि छन् । र यो रोगहरु पटक पटक दोहरिने , निको नहुने गर्छ। जसले गर्दा बिरामीहरु विभिन्न किसिमको समस्या पर्ने गर्छ। अर्थात यसले नया बवासिर भगन्दर सर्ने बिग्रेको दोहरिएको , निको नभैरहेको बवासिर भगन्दरको उपचार प्रमुख सेवाको रुपमा तथ्य विश्वासको साथ् उपचार गरिनेछ। यस अस्पतालमा बिभिन्न किसिमको उपचार हुन्छस् पंच्कर्म विधिवाट शरीरलाई शोधन ९शुद्धि० गरि गोठिया , मधुमेह , थायराइड , आदि जस्ता रोगहरुको उपचार सेवा उपलब्ध हुनेछन।”

जनकपुरधामको शंकर टेक्निकलमा करिब ३ वर्षै कोर्षको विधार्थीहरुको अध्यन पश्च्यात OTT समेत गर्नेछन , साथै PATHOLOGY PHYSIOTHERAPY आदि सेवा समेत उपलब्ध हुनेछ।
यस अस्पतालमा हाल डा. महारुध कुमार ठाकुर , डा. मनिष सिंह , डा. (श्रीमती) मीना मंडल , डा धिरेन्द्र महतो लगायतका चिकित्सकले सेवा दिने भएको छ ।