मधेस आन्दोलनका शहिद परिवारलाई प्रदेश सरकारको जागिर

न्यूज ब्यूरो |
जनकपुरधाम, १६ जेठ । मधेस आन्दोलनको क्रममा शहादत दिएका एक शहिद परिवारलाई प्रदेश नं. २ का सरकारले जागिर दिएका छन् ।

मधेस आन्दोलनको क्रममा शहिद भएका रामबिबेक यादवको धर्मपत्नी अनिला कुमारी यादवलाई मुख्यमन्त्री लालबाबु राउतले मुख्यमन्त्री तथा मन्त्रीपरिषदको कार्यालयमा सहिद परिवारलाई रोजगारी दिएको छ ।

उनलाई मुख्यन्यायधिवक्ताको कार्यालयमा नियूक्ति दिएको हो ।

मुख्यमन्त्री राउतले शहिद परिवारलाई रोजगारी दिने घोषणा गरे अनुसार नै महोत्तरी जिल्लाका महोत्तरी गाउपालिका वडा नम्बर २ महोत्तरी गाउ बस्ने अनिला यादवलाई कार्यालय सहयोगी पदमा करारमा रोजगार दिएको छ ।

आन्दोलनको क्रममा महोत्तरीको जलेश्वरमा तत्कालिन संयूक्त लोकतान्त्रिक मधेश मोर्चा लगायतकाले गरेको चलुु जलेश्वर, भरु जलेश्वर कार्यक्रममा प्रहरीले कार्यक्रम विथोल्ने प्रयास स्वरुप प्रहरीले चलाए बन्दुकको गोली लागि रामविवेक यादवको घटनास्थलमै मृत्यू भएको थियो ।

यता पिडित परिवारले उच्च अदालत जनकपुरमा जिल्ला प्रहरी कार्यालय महोत्तरी लगायतको विरुद्धमा मुद्दा दिएको छ ।

अदालतको आदेश प्रहरी कार्यालयले नमानेपछि दिएको अपहेलना मुद्दामा भने अदालतले प्रहरी कार्यालय महोत्तरी र सरकारी वकिलको कार्यालय महोत्तरी मिसिल झिकाउन आदेश दिएको छ ।

शहिद यादव तत्कालिन मातृका प्रसाद यादवको नेतृत्वमा रहेको नेकपा माओवादीको भातृ संगठन अखिल क्रान्तिकारीको महोत्तरी जिल्ला अध्यक्ष थिए ।