उमेश बचाउको लागि चाहिने वास्तविक ब्लडमनी कति ?

न्यूज ब्यूरो |
जनकपुरधाम, १६ जेठ । तराई मधेस मात्र नभई अहिले देशभरि नै उमेश बचाउको लागि सहयोगी हातहरु अग्रसर भएको देखिन्छ ।

सउदी अरेबियामा एक पाकिस्तानी नागरिकको हत्या अभियोगमा मृत्यूदण्ड सजाय सुनाइएका धनुषाका उमेश यादवको चर्चा अहिले उत्कर्षमा छ ।

देश विदेशमा रहेका युवाहरु उमेश बचाउको लागि एक एक पैसा जम्मा गरी आर्थिक सहयोगमा लागि परेका छन् ।

तर, आफूले खुन पसिना बगाएर कमाएको पैसा उमेश बचाउको लागि दिएपनि वास्तविक रकम कति माग गरिएको छ भन्ने बारे अहिलेसम्म कसैलाई पनि थाहा छैनन् ।

उमेश बचाउको लागि न्यूज ब्यूरोले समाचार दबाब बढाएपछि गैर सरकारी सँस्था ग्रोविँग नेपाल फाउण्डेशनका अध्यक्ष सरोज रायले चासो लिएका थिए ।

समाचार प्रभाव र दबाब बढदै जाँदा रायले उमेश बचाउको लागि नेपाली दुतावासले गरेको पुनरावेदन अपिलमा विकल्पको रुपमा रहेको पीडित परिवारको माफीनामा पत्र ल्याउन पाकिस्तान पुगेका थिए ।

पाकिस्तानमा बसुन्जेल समाजिक सञ्जाल मार्फत रायले पाकिस्तानी पीडित परिवारले उमेश बचाउको लागि चाहिने माफीनामा वापतको लागि ३० लाख रुपैयाँ नेपाली माग गरिएको र त्यसको लागि ग्रोविँग नेपाल फाउण्डेशनको बैँक खातामा जम्मा गर्न आग्रह समेत उत्तैबाट गरे ।

उमेश सेन्टिमेन्ट चलिरहेका बेला सहयोगी हातहरुले केही पनि नसोचिकनै मानवता धर्म निभाउँदै वैदेशिक रोजगारीमा रहेका युवाहरुले लाखौँ रुपैयाँ सँकलन गर्नमा लागे ।

रायले मौखिकै रुपमा भने बमोजिम लक्ष्य ३० लाख रुपैयाँको लागि अन्न पानी त्यागेर मधेसी मूलका नेपालीहरुले उमेश बचाउको लागि अभियानमै लागि परे । कैँयोले कति दिनसम्म काम नै बन्द गरेर भएपनि उमेशको लागि ३० लाख रुपैयाँ जम्मा गर्नमा भोक प्यास त्यागे ।

उमेश बचाउ अभियानमा कतिले रायको नाममा हुण्डी (remitance) मार्फत पनि लाखौँ रकम पठाएको छ भने रायले अधिकारिक भनेर जारी गरेको ग्रोविँग नेपाल फाउण्डेशनको बैँक खातामा लक्ष्य भन्दा डेढ गुणा बढी रकम पुरयाउन सफल पनि भयो ।

रायले मौखिक नै भने बमोजिम युवाहरुले विश्वास गर्दै ३० लाख लक्ष्य पुरयाएर थप १८ लाख रुपैयाँ सम्म जम्मा गरेको अनुमान छ ।

करिब दुई साता अघि नै रायले हेल्प मधेसीको एक्लो १० लाख रुपैयाँ बुझदै करिब ३८ लाख रुपैयाँ बैँक खातामा जम्मा भएको सार्वजनिक गरेका थिए, हालाकी बैँकको ओरिजिनल स्टेटमेन्ट भने सार्वजनिक अझ सम्म गरेको छैन् ।

पाकिस्तानबाटै हरेक दिन बैँक स्टेटमेन्ट गुगल डोक्युमेन्ट मार्फत पार्दर्शी गर्ने भनिएपनि व्यस्तता जनाउँदै स्टेटमेन्ट पार्दर्शी गरेको छैन । स्टेटमेन्ट निकाल्न बढीमा ३० मिनेट लाग्ने गर्दछ ।

१२ मे २०१८ सम्म मात्र पाकिस्तानी परिवारलाई रकम बुझाउने समय सीमा तोकिएको भन्दै महिनाको अन्तिम दिन भएपनि उमेश आउने नआउने भन्ने बारे खुलाएको छैनन् ।

यति दिन वितिसक्दा पनि उमेशको बारेमा अदालती प्रक्रिया र उमेश आउने सँभावना कतिको रहेको छ भनेर भिडियो सन्देश मार्फत दिने भनेर पनि दिएका छैनन् ।

यता, आफ्नो खुन पसिनाको कमाईबाट उमेश बचाउको लागि दिएको रकमको बारेमा विदेशबाट युवाहरु जानकारी लिन प्रयास गरिरहेका छन् । बैँक खातामा अहिलेसम्म जम्मा कति रकम जम्मा भएको बारेमा खुलाइएको छैन ।

वास्तवमा कति रकम माग ?

उमेश बचाउको लागि चाहिने माफीनामा पत्र ल्याउन पाकिस्तान पुगेका एनजिओकर्मी सरोज रायले ३० लाख माग गरिएको भनिएपनि त्यसको प्रमाण भने अहिलेसम्म दिएका छैनन् ।

उमेश अभियान बारे हरेक गतिविधिको कागजात र सन्देश समाजिक सँजाल फेसबुक मार्फत दिएपनि पाकिस्तानी परिवार र रायबीचको ब्लडमनीको सम्झौता पत्र भने अझ सार्वजनिक गरिएको छैन ।

वास्तवमा कति रकम लिएर माफीनामा पत्र दिने भनेर प्रमाण नदिएपछि बैँकमा पैसा जम्मा गरेका सहयोगकर्ताहरुलाई शँका उत्पन्न भएको छ ।

मुखले मात्र ३० लाख भनेपनि वास्ताविक सम्झौता कतिमा भएको बारे सम्झौता पत्र सार्वजनिक गर्नुपर्ने माग गर्न थालेका छन् ।

साथै अहिलेसम्म बैँक खातामा कतिको रकम जम्मा भएको तथा ह मनि ट्रान्सफर मार्फत कति रकम जम्मा भएको बारे पार्दर्शी गर्नु आवश्यक छ ।

यता, एजजिओकर्मी रिता साहको समेत फाउण्डेशनको वेभसाईटमा महिला एनजिओकर्मीको रुपमा राखिएको छ, जसले गर्दा शँका झन उत्पन्न भएको छ ।

रिता साह यसअघि मधेस फाउण्डेशन नामक गैर सरकारी सँस्थाको नाममा करोडौँ रकम झवाम्म गरेको अपुष्ट तथ्यहरु बाहिर आएको थियो । ग्रोविँग नेपाल फाउण्डेशनमा समेत साहको पदीय जिम्मेवारी रहेको देखेपछि सरोज राय उपर पनि शँका बढेको छ ।

उमेश बचाउ अभियानमा रायले लिएको चासोलाई प्रशँसा समेत गरिएको छ ।