सिरहाको मारुती सिमेन्ट फ्याक्ट्री अगाडी भयानक दुर्घटना, दुईको मृत्यू, २५ घाईते

न्यूज ब्यूरो, सिरहा । मधेश प्रदेशको सिरहा जिल्लास्थित यात्रुवाहक बस दुर्घटना हुँदा दुई जनाको घटनास्थलमै मृत्यू भएको छ ।

आईतबार दिउँसो करिब २ः३० बजेको समयमा सप्तरी राजविराजबाट जनकपुरतर्फ आउँदै गरेको यात्रुबाहक बस दुर्घटना हुँदा दुई जनाको घटनास्थलमै मृत्यू भएको छ भने २५ जना घाईते भएका छन् । घाईतेमध्ये ३ जनाको अवस्था गम्भिर रहेको छ ।

राजविराजबाट जनकपुरतर्फ आउँदै गरेको ना ४ ख ७१८७ नम्बरको यात्रुबाहक बस अनियन्त्रित भएर दुर्घटना भएको ईलाका प्रहरी कार्यालय मिर्चैयाले जनाएको छ ।

ईलाका प्रहरी कार्यालय मिर्चैयाका डिएसपी जीतेन्द्र बस्नेतका अनुसार, दिउँसो तीब्र गतिमा चलाएको बस अनियन्त्रित भएर दुर्घटना भएको प्रत्यक्षदर्शीहरुले जनाएको छ । दुर्घटनामा दुई जनाको मृत्यू भएको छ । उनीहरुको सनाखत अझै हुन सकेको छैनन् ।

सोही दुर्घटनामा घाईते भएका २५ जनाको उपचार स्थानीय अस्पतालहरुमा भईरहेको तथा गम्भिर घाईतेहरुलाई सिरहा पठाएको बताए ।

बसका चालक र बस मिर्चैया प्रहरीको नियन्त्रणमा रहेको प्रहरीले जनाएको छ । यस घटनाबारे अनुसन्धान सुरु गरिएको डिएसपी बस्नेतले बताए ।