नेविसंघ धनुषाका क्षेत्रीय सभापति यादव काँग्रेसको प्रदेश भातृ सँघ समन्वय विभाग सदस्यमा मनोनित

न्यूज ब्यूरो, जनकपुरधाम । नेपाली काँग्रेसको भातृ सँगठन नेपाल विद्यार्थी सँघ (नेविसंघ) धनुषाका क्षेत्रीय सभापति जयनाथ कुमार यादव प्रदेशको समन्वय विभागमा समेत मनोनित भएका छन् ।

नेपाली काँग्रेसको मधेश प्रदेश कमिटि अन्तर्गतको भातृ सँघ समन्वय विभागको २८ जना सदस्य मनोनित भएकोमा यादवलाई समेत छनौट गरिएको हो । धनुषा निर्वाचन क्षेत्र नं. २ को नेविसंघका क्षेत्रीय सभापति रहेका यादवलाई मधेश प्रदेश कमिटिका अध्यक्ष कृष्णा यादवले उनलाई मनोनित गरेको हो ।

प्रदेश कमिटिले एक सूचना जारी गर्दै प्रदेश सभापति कृष्ण प्रसाद यादव र संघका प्रमुख सूर्य बहादुर थापाको नेतृत्वमा बसेको बैठकबाट विधान बमोजिम २८ जनालाई मनोनित गरिएको हो ।