बैँकबाट रकम झिकेर निस्किँदा लुटियो साढे ६ लाख रुपैयाँ

न्यूज ब्यूरो, जलेश्वर । मधेश प्रदेशको महोत्तरी जिल्लास्थित एक व्यक्ति लुटिएका छन् । बैँकबाट रकम झिकेर आउँदै गर्दा लुटिएको हो ।

महोत्तरीको गौशाला नगरपालिका वडा नं. ११ भरतपुर बस्ने स्थानीय शम्भु महतोको ६ लाख ५० हजार रुपैयाँ गौशाला बजारबाट लुटिएको प्रहरीले जनाएको छ ।

ओखलढुंगामा रहेको छोरी ज्वाईले सापटीस्वरूप पठाएको रकम बैंकबाट झिक्ने बित्तिकै अज्ञात समूहले लुटेर लगेको पीडित महतोले बताए।

एनआईसी एसिया बैंकको गौशाला शाखाबाट सो रकम निकालेर घरतिर फर्किने क्रममा मोटरसाइकलमा आएका अज्ञात समूहले लुटेर फरार भएको इलाका प्रहरी कार्यालय गौशालाले जनाएको छ। लुटपाट गर्ने व्यक्तिको खोजी भइरहेको प्रहरी निरीक्षक मनोज यादवले बताए।