कमला नगरपालिकामा पनि लम्पीस्कीन रोग विरुद्धको खोप धमाधम दिइदै

न्यूज ब्यूरो, जनकपुरधाम । पूर्वी धनुषाको कमला नगरपालिकाले विभिन्न वस्तीमा पशुचौपायाहरुलाई लम्पीस्कीन विरुद्धको खोप धमाधाम सुरु गरेको छ ।

कमला नगपालिकाको ९ वटै वडाको विभिन्न वस्तीमा लम्पीस्कीन विरुद्धको खोप धमाधम सुरु गरिएको हो । नगर प्रमुख विशेश्वर यादवले वडास्तरीय चिकित्सकको टीम बनाएर धमाधम खोप कार्यक्रम सुरु गरेको बताए ।

उनले नगपालिकाको विभिन्न वडामा ९ वटा टीम बनाएर भ्याक्सीनेश सुरु गरेको बताए । स्वास्थ्य निर्देशनालयबाट प्राप्त खोपको आधारमा विभिन्न वडामा रहेको पशु चौपायालाई खोप अभियान सुरु गरेको मेयर यादवले बताए ।