यौनधन्दा बारे समाचार लेख्दा रँगीला होटेलका सँचालक लालाका छोराले दिए पत्रकारलाई धम्की

न्यूज ब्यूरो, जनकपुरधाम । जनकपुरको पीडारीचोकस्थित सँचालनमा रहेको रँगीला होटेल एण्ड लजमा यौनधन्दा चालिरहेको सम्बन्धमा समाचार लेख्दा पत्रकारलाई मार्ने धम्की दिएका छन् ।

जनकपुरधाम उपमहानगरपालिका वडा नं. १४ मुजेलिया र पीडारीचोकको बीचमा सँचालनमा रहेको रँगीला होटेलको माथि राखिएको लजमा यौनधन्दा चलाएको जनगुनासोको समाचारलाई लिएर होटेलका सँचालक जनकपुरधाम उपमहानगरपालिका वडा नं. ८ बलवा टोल बस्ने लाला भन्ने लालकिशोर राउत कुर्मीका छोरा अजय कुमार राउतले फोन मार्फत धम्की दिएका छन् ।

न्यूज ब्यूरोका पत्रकारलाई अजय राउतले ९८०१६७०२१६ नम्बरको मोबाईल नम्बरबाट फोन गरी फोन मार्फत नै धाकधम्की दिएको हो । उनले आफ्नो होटेलको बारेमा समाचार लेखेको भन्दै जनकपुरमा कहि कतै भेटाए मार्ने धम्की दिएका हुन् ।

मँगलबार बिहान ११ः२२ बजेको समयमा लालाका छोरा अजय राउतले आफ्नो होटेलको बारेमा समाचार लेखेको भन्दै जनकपुरमा कहि कतै देखिएको खण्डमा मार्ने धम्की दिएको अडियो रेकर्ड प्रमाण सुरक्षित छ । पछाडी लाला राउतले समेत धाकधम्की स्वरमा गालीलगौज गरेको सुनिएको छ ।

न्यूज ब्यूरोले केही दिन अगाडी जनकपुरः पीडारीचोकको रँगीला होटेलमा खानासँगै यौनधन्दा चलाएको आरोप, सँचालक भन्छन- 'झुठो आरोप' शिर्षको समाचार लेखेपछि उनले मार्ने धम्की दिएको हो । यद्यपी, समाचारमा होटेल सँचालक पक्षको समेत धारणा समेटिए पनि उनले समाचार लेखेको भन्दै मार्ने धम्की दिएको हो । समाचारमा आपत्ति हुँदा खण्डन गर्ने, सम्बन्धित निकायमा उजुरी गर्ने बाटो हुँदाहुँदै राउतले धाकधम्की फोन मार्फत दिएका छन् । (सबै अडियो रेकर्ड सुरक्षित छ)