रा.रा.ब. क्याम्पसमा CASH को कारोबार बन्द, दस्तुर बैँकबाटै तिर्नुपर्ने

न्यूज ब्यूरो, जनकपुरधाम । जनकपुरधामस्थित रहेको राराब कलेजमा नगदी कारोबार बन्द गरिएको छ । राराबमा विभिन्न प्रयोजनको लागि विद्यार्थीहरुसँग नगद लिएको गुनासोपछि सचिव साहको पहलमा बैँक मार्फत बुझाउने सुविधा मिलाएको हो ।

राराबमा शिक्षा सँकाय तर्फ ४ बर्षे बिएड परीक्षा दिसकेका विद्यार्थीहरुको लागि प्रयोगात्मक परीक्षाको लागि लाग्ने रु. ५०० दस्तुरको लागि नगदी नगरी बैँक मार्फत खातामा बुझाउने कार्य सुरु गरिएको हो । यसअघि नगदी लिदै आएकोमा अबदेखि बैँक मार्फत कारोबार भएपछि सरकारी दस्तुरको समेत पारदर्शीता हुने जनाईएको छ ।

लोकतान्त्रिक विद्यार्थी सँघबाट स्वीयूको सचिव पदमा निर्वाचत करण साहले यसको लागि क्याम्पस प्रशासनसँग निरन्तर पहल गरेपछि नगदको साटो बैँकबाट कारोबार हुने भएको छ । जसको लागि क्याम्पसले कुमारी बैँकसँग समन्व्य गरेको हो । कुमारी बैँकमा तोकिएको खातामा जम्मा गरी भौचर लेखा शाखामा जम्मा गर्न आग्रह प्रशासनले गरेको हो ।