मिटरब्याजी यादव पक्राउ

न्यूज ब्यूरो, जनकपुरधाम । मिटरब्याजको मुद्दामा एक मिटरब्याजी पक्राउ परेका छन् । आज विहानै मिटरब्याजी भनिने धनुषाका शिवजी यादव पक्राउ परेका हुन् ।

उनलाई ईलाका प्रहरी कार्यालय धनुषाधामले विहानै पक्राउ गरेको हो । उनीमाथि करोडौँ रुपैयाँ मिटरब्याजको मुद्दा परेको थियो ।

गाउँ घरमा सोझासाझा मानिसहरुलाई ब्याजमा पैसा लगाई ब्याज तिरिदिएको भएपनि कागजात नच्यातेर कैयौँ पटक रकम उठाएको आरोपसहित मुद्दा परेको थियो ।

धनुषाधाम स्थित शिवशंकर वस्त्रालय सँचालन गर्दै आएका यादव मुद्दा परेपछि फरार भएका थिए । उनलाई विहिबार विहान पक्राउ गरिएको हो ।

यादवबाट एक जनाले २५ लाख रुपैयाँ कर्जा लिएकोमा उनले १० लाख रुपैयाँ तिरिदिएका थिए । १५ लाखको लागि उनले दिन जाँदा रकम नलिएर जग्गा नै दिन दबाब दिएका थिए । उनले समयमा पैसा नलिएर करिब ४ करोड मूल्य बराबरको जग्गामा लोभ गरेपछि मुद्दा दायर गरिएको थियो ।

मिथिला बिहारी नगरपालिका वडा नं ४ कजरा बस्ने शिबजी यादव हाल धनुषाधाममा बसोबास गरि शिबशंकर बस्त्रालय कपडा पसल संचालन गरि मिटर ब्याजको कारोबार गर्दै आएका थिए ।

२५ लाख कर्जा लिएकोमा १० लाख बुझाईसकेको तब पनि ४ करोड बराबर जग्गा बेईमानी गर्न खोजेको पीडित नागेश्वर साहले बताए । सोही प्रकरणमा उनलाई पक्राउ गरिएको हो ।