खेतमा करेन्ट लागेर एक जनाको मृत्यू

न्यूज ब्यूरो, जनकपुरधाम । बिहानै खेतमा सिँचाई गर्न गएको बेला करेन्ट लागेर एक जनाको मृत्यू भएको छ ।

धनुषाको कमला नगरपालिका वडा नं. २ माचि झिटकैयास्थित खेतमा सिँचाई गर्न गएको बेला बेबारिसे राखिएको नाँगो तारमा करेन्ट लागेर मृत्यू भएको हो ।

आईतबार बिहान ५ बजेको समयमा आफ्नै खेतमा धानको बीउमा पानी हाल्न गएको बेला स्थानीय सत्यनारायण यादव (सत्ते) ले ओछयाएको मोटरको तार हटाउन जाँदा कमला नपा २ माचि झिटकैया बस्ने बर्ष ५५ को सुर्यदेव ठाकुर बरही (सुरजा) लाई करेन्ट लागेर मृत्यू भएको हो । उनको घटनास्थलमै मृत्यू भएको हो ।

सत्यनारायण यादवले राती आफ्नै बोर्डिङगमा खेतमा सिँचाई गरी तार त्यतिकै छाडेर घर गएका थिए । मृतकको खेत भएर गएको तारमा कट (नाँगो) भएको ठाउँमा मृतक ठाकुरको जेठा छोराले छोएपछि उसलाई झटका दिएको थियो । झटकापछि सुर्यदेवले आफैँ तार हटाउन जाँदा करेन्ट लागेर घटनास्थलमै मृत्यू भएको हो ।

ईलाका प्रहरी कार्यालय खजुरीका प्रहरी नीरिक्षक राजकुमार भट्ट नेतृत्वको टोलीले मुचुल्का उठाएर शवलाई पोष्टमार्टमको लागि जनकपुरको प्रादेशिक अस्पताल पठाएको हो । तार ओछयाएर छाडने सत्यनारायण यादव भने फरार भएका छन् ।

गरिबीको जीवन व्यतित गर्दै आएका ठाकुरको दुई छोरा र तीन छोरी छिन् । जेठा छोरा सुस्त मनस्थितिका हुन भने कान्छो कलिला उमेरका हुन् ।

गत बर्ष आजकै दिन सोही खेतमा सूर्यदेव पारालाईज भएका थिए । उनलाई टाउकोमा हेमब्रेज भएको थियो । केही बर्ष अगाडी सोही स्थानमा एक युवकलाई हात्तीले मारिदिएको थियो ।