यातायातका कर्मचारीले सेवाग्राही कुटे

न्यूज ब्यूरो |
जनकपुरधाम, ७ जेठ । यातायात व्यवस्था विभाग अन्तर्गतको यातायात कार्यालय जनकपुरका कर्मचारीले सेवाग्राही कुटेका छन् ।

सवारी चालक अनुमति पत्रको लागि आवेदन खुल्ला गरिएपछि फारम बुझाउन यातायात कार्यालय पुगेका एक सेवाग्राही कुटिएका हुन् ।

नाम, ठेगाना खुल्न नसकेका एक युवकलाई कर्मचारीले नातागोता एवम् पहुँचको आधारमा फारम लिने गरेको विरुद्ध बोल्दा कुटपिट गरिएको प्रत्यक्षदर्शीहरुले जनाएको छ ।

यस घटना बारे यातायात कार्यालयमा सम्पर्क गर्दा सम्बन्धित कर्मचारीले फोन उठाएका छैनन भने जिल्ला प्रहरी कार्यालय धनुषाले भीडमा धकम्मधकाईमा घाईते भएको जनाएको छ ।

कुटपिटबाट घाईते भएका युवाको मुहारमा चोटपटक लागेको छ भने उपचारको लागि अहिलेसम्म अस्पताल आइनसकेको जिल्ला प्रहरी कार्यालय धनुषाले जनाएको छ ।
घटना लुकाउन खोजिएको आरोप सेवाग्राहीहरुले बताएका छन् ।

यता, घटनाको यथार्थ के रहेको बारेमा सरोकारबालाले प्रतिक्रिया दिएका छैनन भने घटनाको बारेमा थप जानकारी आउन बाँकी छ ।