सनि देओलको फिल्म गदर सिनेमा हलमा पुनः रिलिज गरिदैँ, अगस्तमा गदर–२ आउँदै

एजेन्सी । हिन्दी सिने जगतमा इतिहास कायम गरेको सनि दिओल अभिनित फिल्म गदर पुनः रिलिज गरिने भएको छ । सन् २००१ मै रिलिज भएको गदर फिल्म सिनेमा हलमा पुनः २२ बर्षपछि रिलिज गर्न लागिएको हो ।

सनि दिओल, अपरिस पुरी, अमिषा पटेल मुख्य भूमिका रहेको फिल्म गदर २२ बर्षपछि सिनेमा हलमा पुनः रिलिज गर्न लागिएको हो । भोली शुक्रबारदेखि भारतसहित नेपालमा समेत विभिन्न सिनेमा हलमा रिलिज गरिने भएको छ ।

हिन्दुस्तान र पाकिस्तानबीचको सम्बन्धलाई समेत देखाईएको सो फिल्म रिलिज भएपछि बक्स अफिसमा सुपर डुपर हिट भएको थियो । सिनेमा हलमा सो फिल्म महिनौसम्म हाउसफुल चलेको थियो ।

दर्शकहरुले पुनः सो फिल्मलाई सिनेमा हलमा लगाउन आग्रह गरेपछि पुनः रिलिज गरिने भएको छ । आउँदो अगस्त महिनामा आउन लागेको यही फिल्मको स्वीक्कल अर्थात दोस्रो भाग गदर–२ हेर्नुभन्दा अगाडी गदर फिल्म पहिले हेर्नुपर्ने भएको छ ।

जनकपुरमा समेत सो फिल्म रिलिज गर्ने तयारी गरिएको हो । फिल्म हेर्न हाउसफूल हुने अनुमान गरिएको छ ।