हुरीले उडायो जानकी मन्दिर पार्कको पर्खाल

न्यूज ब्यूरो |
जनकपुरधाम, ३१ बैशाख । सोमबार एकाविहानै आएको बलियो हावाहुरीका कारण जानकी मन्दिर पार्कको पर्खाल भत्काएका छन् ।

सोमबार विहान आएको हावाहुरीले मन्दिरको पूर्व तर्फ रहेको जानकी पार्कको पश्चिमी पर्खाल भत्काएको हो ।

अति पुरानो भएका ती पर्खालहरुको जीर्णोद्धार समयमा हुन नसक्दा हुरीको बेग थाम्न नसकेर भत्किएको हो ।

गएको बैशाख २८ गते मात्र भारतीय प्रधानमन्त्री नरेन्द्र मोदीको आगमनलाई लिएर स्वागतको तौरमा ठुल ठुला बैनर, बोर्ड लगाइएको उक्त पर्खालमा हावाको चाप सहन नहुँदा पर्खाल ढलेको हो ।

मन्दिरको मुख्यद्धारमै रहेको जानकी पार्कमा रहेको विभिन्न प्रकारका बोटविरुवा तथा फूलका बोटहरु समेत नष्ट भएको छ ।

मन्दिरका वरिपरीका पर्खालहरुको समेत जीर्णोद्धारको अभाव देखिएको छ ।